Cãrẽda poya oɗida bio cawaɗi carea beɗea aɓa aɓa dji polletoɗe
Cawadua naʉ̃ folletoda dji jaradiabarime. Ididua curso Ãcõrẽ Beɗeaɗe naʉ̃ folletoda bʉ́a diaɗa wa ididua interneneba jw.org.
DJI NABEMA
Leadua jũma párrafoda. Idiɗara númeroda bara ɓʉda (A) idjaɓa texto Ãcõrẽ Beɗeaɗe dji letra paimara ɓʉ́ ɓʉda (B) jara ɓʉda dji beɗea bio biara ɓʉda. Bio acʉdua sãma jara ɓʉda dji beɗea “leadua”.
DJI UMÉBEMA
Dji párrafo nabema (C) jara ɓʉmae “Bio cawaɗida naʉ̃ beɗeaɗe” jaradia ɓʉda cãrẽda unuira. Titulo zaquera número bara ɓʉda (D) jara ɓʉda dji beɗea bio biara ɓʉda. Leadua textora Ãcõrẽ Beɗeaɗe, panudua dji idiɗara idjaɓa acʉdua dji videora (E).
Quĩrãcuita acʉida dibujoda idjaɓa beɗea araarebema jara ɓʉra (F), idjaɓa quĩchadua sãwã panuida jara ɓʉmae “Ẽberãrãba jara panʉra” (G).
DJI ŨBEABEMA
Beɗeaza jõbʉrʉma jara ɓʉmae “Jũma beɗeaɗa” idjaɓa “Cawaɗara” (H) dji beɗea jõbʉrʉɗe ɓʉdua dji ewari. Jara ɓʉmae “Mʉ̃a quĩrĩã ɓʉda” (I) jara ɓʉda beɗea biada bʉa mĩga cawai carea. Jara ɓʉmae “Cawadua mãsa” (J) poya unuida awara cartara idjaɓa videora bʉ carea.
Sãwã poya jʉrʉida texto Ãcõrẽ Beɗeaɗebemada
Dji textora ɓʉda dji libro trʉ̃da Ãcõrẽ Beɗeaɗe (A), dji capítulo nabema número dji waiɓʉa (B), idjaɓa dji versículo dji número caibea (C). Ejemploda, Juaʉ̃ 17:3 jara quĩrĩã ɓʉ “dji libro trʉ̃da Juaʉ̃, dji waiɓʉa 17, dji caibea 3”.
