NAÃRA BEƊEADA
BEƊEA 4
Crĩcha droma baradua
Ãcõrẽ beɗeaba jara bʉra: “Ãtebʉrʉ crĩchaɗadua dewararãda bãrã cãyãbara biara ɓeada” (Pilipo 2:3).
Pauloba oɗara
1. Acʉdua VIDEO, o leadua Hecho 26:2, 3. Jãʉ̃gʉ oɗapeɗa araarebema idiɗida:
-
¿Cãrẽ cãrẽã Pauloba crĩchaẽ́ basida idjira quĩcha dromara bʉda Agripa cãyãbara?
-
¿Cãrẽda osida Pauloba jipa ununa mãrẽã Jeowaba bʉɗade ara maʉ̃ quĩrãca oɗida?¿Pauloba sãwã osida jaradiai carea Ãcõrẽ beɗeada jãʉ̃gʉra idji quĩcha ɗebemaẽ́basida maʉ̃ cãyãbara ãcõrẽ quĩchaɗebemada? (Acʉdua Hecho 26:22).
¿Cãrẽda cawasida Pauloba oɗaɗeba?
2. Ẽberãba bio ũrĩbadada dadjirãba beɗeaɗibʉrʉ respeto bara idjaɓa quĩcha droma beɗedaẽ́da.
Pauloba oɗa quĩrãca oɗida
3. Quĩcha droma crĩchacada. Bʉa sentibieda dewaraʉra bʉabʉrʉ cawa bʉda ãdjirã cãyãbara. Beɗeaida aɓeɗa respeto bara.
4. Bibliaɗeba jaradiaɗibʉrʉ jãʉra dadji beɗedaẽ́da. Jãʉra ãcõrẽ ɗebema beɗeada. Dadjia ẽberãra jaradia panʉne biara bʉda Bibliaɗeba jaradiaɗida, ¿carea? Ãdjia bio ũrĩnapeɗa ãdji soɗeba waa wãrãda ĩjãnida ãcõrẽ beɗeaɗebema. Ni aɓaʉba so cadjirua beɗedaẽ́da ãtebʉrʉ ibia beɗeaɗida jaradia panʉne.
5. Necai baida. Daiba jaradia panʉne daiba mãwã beɗeaɗaẽ́da maʉ̃ bʉrʉ Ãcõrẽ beɗeara bio cawa bʉda jaradia carea. Dairãba jaradia panʉne quĩrũ beɗeaɗaẽ́da ibiya beɗea panʉbʉrʉ necai pananida jaradiaɗi carea. Eɗauɗe jaradia panʉne ẽberã quĩrũ baɗada, dji ẽberã quĩrũ bʉbʉrʉ ara maʉda isabe ãyã wãnida (Prov. 17:14; Tito 3:2). Dadjirãba jaradiaɗe wa panʉne dadjirãba ibiya beɗeaɗida ãdjirã. Eɗauɗe ãdjirã quĩrũ panʉda baribʉrʉ mãwãmĩna ibiya beɗeaɗibʉrʉ waya ɗewaraʉ domiane jaradiaɗe wãbʉdaɗe ãdjia bio crĩchaɗida, jãʉ ẽberãra quĩrũnacada idjaɓa bia beɗeabadada.
