“Ãcõrẽba ãdji dauɓara idjia jũma jareya. Jũma naẽna ɓaɗara jõna bẽrã waa beuɗaéa, jĩãnaéa, aujĩãnaéa, idjaɓa puara neé ɓaya” (Apocalipsi 21:3, 4, Ãcõrẽ Beɗea).

Naʉ̃ drua jipa ɓaya (Hecho 10:34, 35).

Neé ɓaida djuburiara caya queɗeara siɗa (Isaías 25:8; 33:24).

Ɓʉsriɗa dãrã panania dadji cuariarame, unu cawarame (Salmo 37:11, 29; Mateo 5:5).

Mãẽ, umé beɗeaɗe:

• Ãcõrẽba poya oi jãʉ̃ beɗea ʉbʉa ɓʉ bẽrã. Ãcõrẽ Beɗeaɗe, Ãcõrẽ aɓabe trʉ̃ jarabada “Waiɓʉa ɓʉa”, Idjia jũma poya obari bẽrã (Apocalipsi 15:3). Maʉ̃ carea jarabʉrʉɗe naʉ̃ ẽjũãra ɓeida awara biara ĩjã panʉ idjia poya oida. Ãcõrẽ Beɗeaba jarada quĩrãca “Ãcõrẽmaarã oicha ɓʉa” (Mateo 19:26).

• Ãcõrẽba o quĩrĩã ɓʉ naʉ̃ beɗeada. Naʉ̃ quĩrãca ɓʉa, ẽberã beuɗarãmaarã, Ãcõrẽ Beɗeaba jara ɓʉda Jeowaba ʉ̃rẽbabida bio o quĩrĩã ɓaera (Hecho 24:15).

  Idjaɓa jara ɓʉda Jesuba, Ãcõrẽ warraba biabicuasia caya queɗeara. ¿Cãrẽ cãrẽã jãʉ̃ra osida? Jãʉ̃ra quĩrĩã ɓaera (Marco 1:40, 41). Idjia oɗara acʉbisi dji Zeze quĩrĩã ɓʉ quĩrãca carebai carea necesita ɓeara (Juaʉ̃ 5:19).

  Maʉ̃ carea poya ĩjãnida Jeowa Jesu siɗa ne bia dia quĩrĩã panʉ bia pananamãrẽã (Salmo 72:12-14; 145:16; 2 Pedro 3:9).