¿Cãrẽ cãrẽã quĩrĩã panʉda Ãcõrẽ Boroda?
Dãrãbʉrʉɗeda aɓabe Ãcõrẽba eroɓasida naʉ̃ ẽjũãra, idji trʉ̃ra Jeowa abadaa, idjia quĩrĩãneba eroɓabadjida. Maʉ̃ bʉrʉ ẽjũã quĩrãwãrẽãda osida ẽberãrãda bio capipia pananamãrẽã. Eroɓeaɗida zocãrã necoɗira idjaɓa eroɓeaɗida traju capipia ɓeaɗi carea (Genesi 1:28, 29; 2:8, 15). Ĩjã pananabara dia ɓʉda Ãcõrẽba, jãʉ̃gʉba capipia panani ɓasida.
Dji nãbema ẽberãrãba igarasiɗaa Ãcõrẽ Borora.
Ãcõrẽ Beɗeaba jara ɓʉda aɓa ángel dji cadjirua -idji trʉ̃ra Satana idjaɓa Diauru abadaa- idjia jarasida Ãcõrẽba jaraiẽ́ ɓasida ẽberãra maʉ̃ oibarara. Maʉ̃da jarasida maʉ̃ eropanʉba capipia panʉda. Adaʉ̃, Evaneba ũrĩsiɗadrʉ Diauruɗera. Maʉ̃ bʉrʉ ĩjanaẽ́ ɓasida Ãcõrẽnera (Genesi 3:1-6; Apocalipsi 12:9).
Ĩjãnaẽ́ bẽrã Ãcõrẽba ãyã jʉretasia ẽjũã quĩrãwãrẽãnebemada. Mãwãnacare enfermaɗapeɗa beusiɗada. Ãdjia oɗaɗeba maʉ̃ bʉrʉ dji warrarã siɗa biẽ́ panesiɗada (Genesi 3:17-19). Bibliaba jara ɓʉ: “[Adaʉ̃neba] cadjiruara naʉ̃ ẽjũãne zesia, idjaɓa maʉ̃ cadjiruaɗeba dadji beuɗira zesia” (Romano 5:12). Bibliaba jara ɓʉ: “Ẽberãrãba manda ɓʉda dewara ẽberãrã biẽ́ ɓamãrẽã” (Eclesiastés 8:9). Ẽberãrãba ĩjãnaẽ́ bẽrã maʉ̃ bʉrʉ beɗea dromara naʉ̃ ẽjũã jũma ɓʉda.
ẼBERÃ DJI BORO ƁɄDA
Nemrora dji quĩrãma ɓasida Jeowara.
Naãrãbema ẽberã boro ɓasi trʉ̃ jarabada Nemrod, idjia ĩjãcabadjida Ãcõrẽnera. Maʉ̃ bʉrʉ zocãrã bororãba ne cadjiruarã o panʉda. Tres mil poaga naẽna dji rey Salomoʉ̃ba ɓʉsida: “Mʉ̃a unusia dauɓa mĩã djuburia queɗeada, ni aɓaʉda neẽ́ ɓasia sobiabi carea” (Eclesiastés 4:1).
Iɗi ewariɗera mãwãnũmʉda aɓari quĩrãca. 2009ɗe dji Naciones Unidada jarasiɗada ẽberãrãba quĩchabadada “jãʉ̃ ne cadjiruaɗeba djuburia panʉda”.
ARA NAɄ̃DA NE OBADA
Naʉ̃ ẽjũãne quĩrĩã panʉda ɓiara ɓʉ boro ɓaida, ne biada omãrẽã. Dadji Ãcõrẽba jara ɓʉda diaida naʉ̃ ẽjũã bio biara ɓʉda.
Ni aɓaʉ ẽberã bororã ne cadjiruara jõnacada.
Ãcõrẽba ara o ɓʉcare dji Boro, jãʉ̃gʉ dji boroba jõbida dji boro naʉ̃ ẽjũãnebemara, “aɓabe jãʉ̃ borora dãrã ɓaya” (Daniel 2:44). Zocãrã ẽberãrãba ʉ̃taa idibadada idji Boroa jãʉ̃ padrenuestroda (Mateo 6:9, 10). Baribʉrʉ Ãcõrẽba jʉrʉedasida aɓa eroɓamãrẽa. Idjia jʉrʉedaɗara ɓasida ẽberã quĩrãca. Naʉ̃ ẽjũãne, ¿caida jʉrʉedasi?
