Naẽna cawasiɗaa Jesuba jaraɗara, jãʉ̃ beɗeara wãrãda acʉbi ɓʉ Jesuba bajãneba eroɓaida.

Bibliaba jara ɓʉda Jeowaba ɓesiɗe Jesua boro ɓai carea, idjia ara naʉ̃da ɓatabuesia Diauru idji araare panasiɗaa siɗa. Ãdjirãra aɓabebʉrʉ ne cadjirua poya oɗi nama ẽjũãne. Maʉ̃ bʉrʉ ãdjiɗeba 1914 eɗa djuburia panʉda (Apocalipsi 12:7, 9).

Ewariza djuburia panʉmĩna Jesuba ne bia obari ẽberãrã carea. Dãrãbʉrʉɗeda Jesuba jarasia beɗea bia Ãcõrẽnebema jaradiaɗi ɓasia. Jesuba jaraɗa quĩrãca ẽberãrãba cawaɗapeɗa ĩjã panʉda idji beɗea (Isaías 2:2-4). Ãcõrẽ beɗea ĩjãnapeɗa cawasiɗaa bia trajaɗi carea idjaɓa bia panani carea dji cuariarãme. Ne quĩrãtanoa naʉ̃ ẽjũãnebema jʉrʉɗaẽ́da. Bibliaba careba ɓʉda ãdjirarã ɓʉrsiɗa panani carea idjaɓa ẽberã so bia pananida Ãcõrẽba naʉ̃ ẽjũãne erobʉrʉɗe.

Jesuba ʉ̃tʉ eroɓʉmĩna, waɗi naʉ̃ ẽjũãne ẽberãrãba manda panʉda. Jeowaba Jesua jarasia: “Mandadua dji quĩrũrã tãẽna” (Salmo 110:2). Daraẽ́ne Jesuba jõbiya idji quĩrũrã idjaɓa jõbiya jũma beɗea dromara ẽberã ĩjãbadarã Ãcõrẽne.

Jãʉ̃ ewariɗera Ãcõrẽ Boroɗebema jãʉ̃ra oya:

• Jõbiya religión sewaida ɓeara. Bibliaba jara ɓʉ religión sewaida ɓeara wẽrã auɗua quĩrãca ɓʉa. Ãcõrẽ Boroba dãrãẽ́ne idjira jõbiya. Maʉ̃ bʉrʉ religión sewa jarabadara idjaɓa ne cadjirua obadara dãrãẽ́ne naʉ̃ ẽjũãne neẽ́ pananaya (Apocalipsi 17:15, 16).

• Jõbiya ẽberã bororã naʉ̃ ẽjũãnebemara. Ãcõrẽ Boroɗeba jõbiya jũma bororã naʉ̃ ẽjũãnebema (Apocalipsi 19:15, 17, 18).

• Jõbiya ẽberãrã so cadjiruara. ¿Ẽberã so cadjiruarã ĩjãnaẽ́ ɓeara Ãcõrẽne cãrẽda mãwãida? “Ẽberãrã cadjiruara quininia naʉ̃ ẽjũãnebemara” (Proverbios 2:22).

• Jõbiya Diaurura idji caiɗubemarãme. Satanaba idji caiɗubemarãme “druazabemarãda waa cũrũgaẽ́a” (Apocalipsi 20:3, 10).

¿Ẽberãrã quĩrĩãbadara Ãcõrẽ Boroɗe naʉ̃ ẽjũãne zebʉrʉɗe cãrẽda mãwãida?

Bajãnebema Jesuba zocãrã ne biada oida dewara bororã cãyãbara. 144 mil ẽberãrã naʉ̃ ẽjũãnebemada ʉ̃tʉ wãnida eroɓeaɗi carea Jesume naʉ̃ ẽjũãra (Apocalipsi 5:9, 10; 14:1-3). Ãcõrẽba o quĩrĩã ɓʉra naʉ̃ ẽjũãne carea idjia wãrãda oya. ¿Ãcõrẽ Boroba cãrẽ oya ẽberãrã carea?

• Caya queɗeara idjaɓa beuɗara neẽ́ ɓaya. “Ni aɓaʉba jaraẽ́a: ‘Mʉ̃ra cacua biẽ́ nũmʉda’” idjaɓa “waa beuɗaẽ́a” (Isaías 33:24; Apocalipsi 21:4).

• Necai panania. “Bʉ warrarãra bio necai panania” idjaɓa “aɓa aɓa acʉ panenia ãdji ẽjũãne uva iɗa ɓʉmae idjaɓa higojõ iɗa ɓʉmae, ni aɓaʉba perabicuaẽ́a” (Isaías 54:13; Miqueas 4:4).

• Trajaɗida ɓʉsriɗa panani carea. “Mʉ̃a ãdjirãba bia quĩrĩãnia ãdjirã traju carea. Ãdjirã waa zarea trajaɗaẽ́a” (Isaías 65:22, 23).

• Ẽjũã biya quirua ɓaida. “Ẽjũã põãsaɗe idjaɓa ẽjũã bio põãsa ɓʉɗe jãʉ̃gʉɗe capipia panania, ẽjũã jeweɗa põãsa quiruɗe jãʉ̃gʉɗe capipia ɓaya idjaɓa jama põnõya azafrán quĩrãca” (Isaías 35:1).

• Jaradiaɗia cãrẽda oida dãrã pananamãrẽã. “Dãrã pananamãrẽã: ẽberãrãba cawaɗida bʉra, bʉdrʉ aɓabe Ãcõrẽ wãrã arada, idjaɓa cawaɗida bʉa diabueɗa, Jesucrito siɗa” (Juaʉ̃ 17:3).

Ãcõrẽba quĩrĩã ɓʉa bʉa ne biada eroɓaya (Isaías 48:18). Araarebema jaradia ɓʉ cãrẽda oɗibara edaɗi carea Jeowaba diaira.