“Bʉra jũmarã Boro bai carea isabe zeida”: Zocãrã bara idiɗara Ãcõrẽa
Zocãrã ẽberãrãba idibadaa zeida Ãcõrẽ Borora. ¿Bʉa biɗa jãʉ̃ra jãwã ʉ̃taa idibarida? Dãrãbʉrʉɗeda, ẽberãrãba jãʉ̃ra jãwã obadada. ¿Cãrẽ cãrẽã? Jesuba jarasida dji ẽpẽbadarãa idiɗaida: “Zeida Ãcõrẽ Borora”.
Naãrã dji ẽpẽbadarãba cawaɗaẽ́ ɓasida Jesuba jarabadada Ãcõrẽ Boroɗebemada. Ewari aɓaʉɗe idisiɗada: “Dai Boro, ¿iɗibʉrʉ bʉa dadji Israel purura djãrã jʉwaeɗabemada ẽdrʉ ɓʉpeɗa dji boroda ɓeica?”. Jesuba jũma jaraẽ́ ɓasida dji panunara aɓeɗa (Hecho 1:6, 7). ¿Iɗi ewariɗera poya cawaɗida cãrẽda maʉ̃ Ãcõrẽ Boro idjaɓa sãʉ̃be zeida? Mãẽ.
Naʉ̃ revistaɗe panuida araarebema idi ɓʉda:
¿Cãrẽ cãrẽã quĩrĩã panʉda Ãcõrẽ Boroda?
¿Caida dji Boro Ãcõrẽ Boroɗebemada?
¿Sãʉ̃be Ãcõrẽ Boroba eroɓaida naʉ̃ ẽjũãra?
¿Cãrẽda oida Ãcõrẽ Boroba ẽberãrã carea?
¿Cãrẽ cãrẽa poya carabeɗida Ãcõrẽ Boroda naʉ̃ ewariɗera?
¿Cãrẽda maʉ̃ Ãcõrẽ Boro?
Puede que también le interese
ENSEÑANZAS IMPORTANTES DE LA BIBLIA
¿Cãrẽda maʉ̃ Ãcõrẽ Boro?
Jesura naʉ̃ ẽjũãne zesiɗe bio jaradiasida Ãcõrẽ Boroɗebemada dewara beɗea cãyãbara. Dãrãbʉrʉɗe eɗa zocãrã ẽberãrãba Ãcõrẽa dji idibadaa zeida Ãcõrẽ Borora.
