Dji tataba dji warraa caiɓe ɓasiɗe nẽbʉrʉsida: “Ãcõrẽba osida jũma naʉ̃ ẽjũãne nũmʉra dãrãbʉrʉ eɗa. Idjaɓa osida ʉ̃mãdaura, jeɗeco, chĩdau siɗa”. Dji warra quĩcha nũmepeɗa jarasia: “Tata... ¿caiba osida Ãcõrẽra?”

“Dji zezeba panusia” —ni aɓaʉba Ãcõrẽra oɗaẽ́ basía—. “Ãcõrẽra naãrã eɗa ɓaɗa bẽrã”. Dji warrara ɓʉsriɗa sentisida dji tataba panuna bẽrã. Dji warrara wari wãbʉrʉmĩsa idjia cawa quĩrĩã ɓʉda mãsa jãʉ̃ idjia idi ɓʉra, dji warraba waɗi cawaẽ́da. “¿Ãcõrẽra wãrãda idji iduɓa ɓasida? —dji warraba quĩcha ɓʉda—. ¿Jãʉ̃ra wãrãda? Aɓaʉba ẽjũãda osida”. idjia idi ɓʉra waɗi panʉẽ́da: ¿Ãcõrẽra sãmaʉba zesi?

¿Ãcõrẽ Beɗeaba cãrẽda jara ɓʉda? Ãcõrẽ Beɗeaba jaradia ɓʉda dji tataba naãrã jarada quĩrãca. Moiseba jarasia Jeowaa: “Eya oi naẽnabema idjaɓa ẽjũã ne uɗi carea, bʉra darãbʉruɗebema, idjaɓa aɓeɗa dãrã ɓaya bʉra Ãcõrẽda” (Salmo 90:1, 2). Dji profeta Isaiaba ara maʉ̃ quĩrãca jarasia: “¿Bʉa adua ɓʉda? ¿Bʉa ũrĩẽ́ ɓʉda? Jeowa, idjia ne jũma oɗa bẽrã ẽjũãra, idjira Ãcõrẽ dãrãbema” (Isaías 40:28). Carta Judaba jara ɓʉda idjira “ewariza mãwã ɓaya” (Juda 25).

Jãʉ̃ dji caibea jara quĩrĩã ɓʉda “Ãcõrẽda ewariza jũmarã Boroa”, jãma apóstol Pauloba jaraɗa quĩrãca (1 Timoteo 1:17). Naʉ̃ beɗea jara quĩrĩã ɓʉ Ãcõrẽ ɓʉra naẽna ɓasia idjaɓa ewariza ɓaya (Apocalipsi 1:8). Idjira ni aɓaʉba oɗaẽ́ basía maʉ̃ bẽrã Ãcõrẽra ɓʉda.

¿Cãrẽ cãrẽã dadjirã carea zarea ɓʉda jãʉ̃gʉ quĩchaɗira? Dadjirãra dãrãẽ́ne beubadada baribʉrʉ Jeowara idjira ewariza zocai ɓʉa maʉ̃ bʉrʉ awara awara quĩcha panʉda. Maʉ̃neba jaraɗida, idji careara zocãrã ewari zenũmʉra ewari aɓabe quirãcã ɓʉɗa, idjira ɓʉda naẽnabemada (2 Pedro 3:8). Cawaɗida jãʉ̃ nẽbʉrʉra. Aɗichichira aɓabe bʉrʉ 50 ewari ɓaida. ¿Idjia poya cawaida poya zocai ɓaida 80 poaga? ¿Ẽberã quĩrãca zocai ɓʉda? ¡Mãwãẽ́a! Dairãra aɗichichi quĩrãca, Jeowara dai cãyãbara dãrã ɓaida, dairãba bio cawaɗaẽ́da Ãcõrẽ quĩrãca (Isaías 40:22; 55:8, 9). Maʉ̃ bʉrʉ daiba poya jũma cawaɗaẽ́da Jeowaɗebemara.

Dadjirãba cawaɗaẽ́mĩna Jeowara dãrã ɓaida baribʉrʉ bio bia ɓʉda dairãmaarã jãʉ̃ cawaida, Ãcõrẽra ni aɓaʉba oɗaẽ́ basida. Ãcõrẽ Beɗeaba jara ɓʉda jũma dadji Ãcõrẽbʉrʉ osida naʉ̃ ẽjũãne nũmʉra (Apocalipsi 4:11). Dairãba cawa panʉda naʉ̃ ẽjũãra ne neẽ́ basida (Genesi 1:1, 2). ¿Sãwã osida naʉ̃ ẽjũã oi naẽna ɓasida? Dji obarira naẽna biɗa ɓasida, aɓa dji warraa, bajãnebema nezocarãa biɗa oi naẽna (Job 38:4, 7; Colosa 1:15). Ãcõrẽra idjiduɓa ɓasida, Idjía poya jãwã oiẽ́ basida, neẽ́ basida ni aɓaʉda.

Dadjirãra zocai pananaẽrã idjaɓa naʉ̃ ẽjũãne ɓea siɗa, maʉ̃gʉ unubi ɓʉda dãrãbemada Ãcõrẽra ɓʉda. Ãcõrẽba naʉ̃ ẽjũãne oɗara idjaɓa ɓʉda bajãra jũma biya ɓamãrẽã, naʉ̃ ẽjũãra siɗa, jãʉ̃gʉba acʉbi ɓʉda dãrãbʉrʉɗe eɗabemada ɓʉda. Maʉ̃ bʉrʉ, zocai ɓʉ carea ẽberãrãra idjaɓa animarã siɗa zocai ɓeada (Job 33:4).