QUĨCHADUA Bʉa acʉɗe wãida ne quĩrãtanoa ɓea drõãenabemada. Bʉa ununara jũma sore sore quirua, ʉ̃cʉrʉra ãrĩbadada. Baribʉrʉ aɓabe bio bia ɓʉda dji djona ɓʉmĩna. Ẽberãrãba o ɓaɗara bio bia osida. Bʉa idisida: “¿Djiwiɗi ara ɓʉda dewara cãyãbara?”, dji jipa edebarida panusia: “Mãwãẽ́a, za ɓʉda dji djona ɓʉda dewara cãyãbara”. Bʉa wãya idisida: “¿Jãʉ̃gʉra dãrãbʉrʉ wagaɗada?”, dji jipa edebariba wãya panusia: “Mãwãẽ́a, cue zeɗamĩna, nãũrã zarea zeɗamĩna idjaɓa jõ quĩrĩanamĩna za ɓʉda ãrĩẽ́da”. Maʉ̃ bʉrʉ, bʉa poya quĩchaida: “¿Jãʉ̃ra cãrẽneba osia?”.

Ara maʉ̃ quĩrãca, Bibliara jãʉ̃ cuadro quĩrãca ɓʉa. Bibliara drõãenabema dewara carta cãyãbara. Awara cartara drõãenabema, baribʉrʉ dãrã ɓaɗacare jõsiɗada jãʉ̃ cuadrora drõãenabema quĩrãca. Jãʉ̃ cartara drõãenabema jaraɗara naʉ̃ ewariɗera ẽjũã bio cawa ɓeaba awara jarabadada. Ãdjirãba jara ɓaɗara nẽãrã quĩrãca jãʉ̃gʉbara carebacada. Jãwã cartaɗera jũma ɓʉẽ́da ãrĩ ɓʉ bẽrã idjaɓa dji quedua aduaɗa bẽrã.

Baribʉrʉ Bibliara awara ɓʉda. Tres mil quiniento poaga naẽna ɓʉɗamĩna waɗi Bibliara ara mãwã bia ɓʉda. Dãrãbʉrʉɗe eɗa zocãrã baraa jõ quĩrĩãnamĩna tʉbʉɗe babueɗa idjaɓa sewa jaraɗa idjiɗeda, Bibliara jaraɗara jõcada. Naʉ̃ ewariɗera bio cawa panʉmĩna naẽnabema cãyãbara, Bibliaba jara ɓʉra waɗi bia ɓʉda, wãrãda jara ɓʉda (Acʉdua cuadroda “¿drõãenabema wa dãrãbʉrʉɗe eɗa jarasida cãrẽda mãwãi ɓasia?”).

Bʉdjiduɓa poya idida: “¿Bibliaba jara ɓʉra waɗi poya carebaida iɗiɗera?”. Panui carea, quĩchadua beɗea dromara ẽberãrãba eropanʉda. ¿Sãʉ̃gʉda bio cadjirua ɓʉda? Poya quĩchaida djõ panʉra, ẽjũã mititia, ne drʉabadara. Baribʉrʉ cawadua Bibliaba cãrẽda jara ɓʉda, cawapeɗa ididua: “¿Jũmarãba ĩjã panʉbʉrʉ jãma jara ɓʉra biara pananida?”.

NECAI QUĨRĨÃ ƁEAƊIDA

“Bãrãba jũmarãda ãbaa necai ɓeaɗamãrẽã o ɓeabʉrʉ, bio bia panʉa Ãcõrẽ warrarãana aɗi bẽrã” (Mateo 5:9). “Bãrãareba jʉrʉɗadua jũmarã ume necai panani carea” (Romano 12:18).

MĨÃ DJUBURIAIDA IDJAƁA QUĨRÃDOAIDA

“Bãrãda quĩrã djuburiaya ɓeaɗibʉrʉ, bio bia panʉa Ãcõrẽba quĩrã djuburiai bẽrã” (Mateo 5:7). “Jũmarã ume droa cawa ɓeaɗadua. Aɓaʉba biẽ́ osira maʉ̃ biẽ́ oɗara quĩrãdoaɗadua. Bãrãba biẽ́ opeɗaɗara dadjirã Boroba quĩrãdoaɗa quĩrãca bãrã biɗa quĩrãdoaɗadua” (Colosa 3:13).

ÃBAA PANɄDA JŨMARÃME

Ãcõrẽba “ẽberã aɓaʉɗeba puruda zocãrã yõbisia jũma naʉ̃ ẽjũãne ɓeaɗamãrẽã” (Hecho 17:26). “Maʉ̃ne Pedroba jarasia: –Ʉ̃rãbʉrʉ mʉ̃a cawabʉrʉa wãrãda Ãcõrẽba ni aɓaʉda quĩrã awara ocada. Ãtebʉrʉ puruzabema idji wayaaba jipa o ɓeada bia unubaria” (Hecho 10:34,35).

QUĨRÃCUITAƊIDA DADJI ẼJŨÃRA

“Maʉ̃ne Ãcõrẽba ẽberãra edapeɗa Edeʉ̃ néu ẽjũãne ɓʉsia acʉ ɓamãrẽã” (Genesi 2:15). Ãcõrẽba “naʉ̃ ẽjũãne cadjirua opeɗaɗara bʉa biẽ́ ɓʉya” (Apocalipsi 11:18).

NE AWA ƁEARANADUA IDJAƁA AUƊUA NĨBARANADUA

“¡Quĩrãcuita ɓeaɗadua! Paratada awua ɓearãnadua. Parata bara ɓʉɗeba dadjira zocai ɓacaa” (Luca 12:15). “Bãrãra Ãcõrẽ ẽberãrã bẽrã daunemaniẽ́ panʉa, auɗua nĩbaɗiẽ́ panʉa, idjaɓa djãrãneda awuaɗiẽ́ panʉa. Maʉ̃nebemada ni maãrĩ biɗa beɗeaɗiẽ́ panʉa” (Epeso 5:3).

JIPA NĨBAƊIDA IDJAƁA ZAREA TRAJAƊIDA

“Daira ne jũmane jipa nĩba quĩrĩã panʉa. Cawa panʉa cadjiruara oɗaẽ́ panʉda” (Hebreo 13:18). “Ne drʉabari baɗara waa ne drʉaiẽ́ ɓʉa, ãtebʉrʉ ara idji jʉwaba trajaida ɓʉa ne eroɓai carea” (Epeso 4:28).

CAREBAƊIDA NECESITA PANɄRA

“Soɗe ɓʉsriɗaẽ́ ɓeara sobiabiɗadua. Soɗe ʉɓʉaẽ́ ɓeara carebaɗadua. Jũmarã ume droaɗadua” (1 Tesalonica 5:14). “jẽrãmãrãda, pẽdra wẽrãrã siɗa bia mĩga panʉne carebaida ɓʉa” (Santiago 1:27).

Bibliaba jara ɓʉda dadjirãba sãwã poya oɗida jãʉ̃ ʉ̃rãga biada oɗi carea. Ẽberãrãba ĩjãnabara jãʉ̃ beɗeara Bibliaba jara ɓʉra beɗea dromara neẽ́ ɓacasia. Naʉ̃ ewariɗera naʉ̃ ʉ̃rãga biada bio biara ɓʉda dadjirã carea naẽnabema cãyãbara. Baribʉrʉ, ¿Bibliara sãwã poya carebaida bʉra?

Ẽberã bio necawaa ɓea dewara cãyãbara jarasida: “cawa panʉa Ãcõrẽ necawaara jipa ɓʉda idji ĩjã panʉba jipa obada bẽrã” (Mateo 11:19). ¿Jãʉ̃ra wãrãda? Cawaɗi carea ʉ̃rãga bia ɓʉbʉrʉ bʉa bia ĩjãida ɓʉa, cawai carea bia ɓʉbʉrʉ wa biẽ́ ɓʉbʉrʉ. Maʉ̃ bʉrʉ bʉa poya idida: “Bibliara jũma maʉ̃gʉra bia ɓʉbʉrʉ, ¿jãʉ̃ra mʉ̃́a wãrãda poya carebaida? ¿wãrã arada poya carebaida ara oi carea mʉ̃ beɗea dromada?” Acʉdua ejemploda.

Dianaba * ne zocãrã obadjida, idjia bia sentibadjida, baribʉrʉ aɓeɗa ne zocãrã cadjiruara mãwãsida: dji cau beusida, dji quima amasida idjaɓa parata neẽ́ ɓesida. Idjia jara ɓʉda: “Mʉ̃ra sopua ɓasida; mʉ̃ cau beusida, mʉ̃ quima amasida idjaɓa mʉ̃ dera aduasida. Mʉ̃a ʉɓʉaẽ́ ɓasida idjaɓa ne bia jʉ̃ãẽ́ ɓasida”.

Dianaba cawasida naʉ̃ beɗea wãrã arada: “Dadjirãra zocai pananida setenta poaɗe, idjaɓa zarea ɓʉra droaida ochenta poaɗe. Baribʉrʉ jãʉ̃ poara bio ne cadjiruaɗe ɓʉda; jãʉ̃ra eteba wãpeɗa pananaẽ́da” (Salmo 90:10).

Dianaba droai carea jũma beɗea dromara Bibliara acʉsida. Beɗea ũbea araarebema ununida zocãrã ẽberãrãba Bibliaba cawaɗapeɗa wãrãda unusiɗada Bibliaba poya carebaɗida dji beɗea dromara ara oɗi carea. Ãdjirãba cawaɗara Bibliara cuadro drõãenabema quĩrãca ɓʉa naãrã beɗeaɗa quĩrãca ɓʉa. Bibliara awara ɓʉda dewara carta cãyãbara, dãrãbʉrʉɗeba carera jãʉ̃gʉba poya carebaẽ́a. ¿Bibliara awara ɓʉda dewara cartara cãyãbara? ¿Jãʉ̃ Bibliara Ãcõrẽnebemada? (1 Tesalonica 2:3).

Eɗauɗe bʉ siɗa quĩcha ɓʉda naʉ̃ ewariɗera dãrãẽ́a idjaɓa beɗea droma eroɓʉda. Bʉra sopua ɓʉɗe idjaɓa beɗea droma eroɓʉɗe, ¿sãma ununida dji beɗea bia carebamãrẽã?

Acʉdua beɗea ũbea Bibliaba sãwã poya carebaida bʉra. Poya carebaida:

1. Jũmarãme bia ɓeaɗi carea.

2. Beɗea droma eropanʉbʉrʉ ara oɗida.

3. Droaida ne cadjirua mãwã ɓʉɗe bʉa ne poya oẽ́bʉrʉ.

Dji beɗea ũbea araarebema jaraɗida naʉ̃ beɗeaɗe.