“Natam̃ol nen i nrong nafsan ni Atua ngo i usi, ke fo semsem.”—Luk 11:28, Natus Tap ni Bislama.

Ko fo tmom mus nrom mus. —Efesas 5:28, 29.

Ko fo pi atlak sup̃ ni nfaketanuen toklos mus.—Efesas 5:33.

Ko fo mao wi to naor iskei.—Mak 10:6-9.

Ore, nlaken kin:

• Atua ipi nlak nametrau. Natus Tap i na, Iofa Atua i preng nlakuen pei, teni Adam ngo Iv. (Jenesis 2:18-24) Nga kin ipi nlak nafet nametrau. ?Nlaken i ku kin ntaeuen ne ipi lesok?

  P̃a mro ki: I fuel kin ku pam nafnang iskei nen ku nrong wi ki, ale kumur p̃a tae teflan kin ru kuk ki, ?p̃a fo pauski fei ki? P̃a fo lakor pauski natam̃ol nen i kuk ki nafnang ne.

  Ipi tkaskei, ifuel kin tu mur tuk saltae nafet sernale nen ru tae preng nametrau i semsem, tuk fo le pak Iofa m̃as. Nga kin ipi nlak nametrau.

• Atua i to mro ki akit. Nafet nametrau ru tae metmatu ifuel ruk lel nafet ntaeuen ni Iofa em̃rom Natus Tap. ?Nlaken i ku? “Nlaken kin nga i to mro ki akit.” (1 Pita 5:6, 7) !Iofa i mur ke welu ang ngo nafet nafsan nga ru wi sermal!—Ol Proveb 3:5, 6; Aesea 48:17, 18.