?Nanrongtesan Ke Fo Nom Tetemal?
?P̃a fo til . . .
-
ore?
-
itik?
-
a sup̃neki?
NATUS TAP I TLI NA
“Atua ke fo tuptao naromter. Ngo ke fo mer tik ki natam̃ol mat ngo ke fo mer tik ki natam̃ol nen i kai kat natam̃ol nen i mat. Ke fo mer tik ki nkaiwen ngo natam̃ol ruk fo ta mer nrong fas nam̃olir mau. Nafet sernale ni malpei, ruk fo pan puel termau.” —Revelesen 21:3, 4, Natus Tap ni Bislama.
?NTAEUEN NE I TAE WELU ANG TFALE?
Ku saltae na nafet nanrongtesan nen tu to kraksokir, ru ta to Atua mai mau.—Jemes 1:13.
Atua i nrongtesa, malen i leka na tu to kraksok nanrongtesan. Ntaeuen ne i tae sik namroan ngang.—Sekaraea 2:8.
Ku tae sralesok kerkrai na, naliati keskei, nafet sernale nen ru to tu kit nanrongtesan, ruk fo pan tik.—Ol Sam 37:9-11.
?TU TAE FAFAT NAFET SERNALE NEN NATUS TAP I TLI?
Ore, nlaken kin:
-
Atua i mal to lek natam̃ol ru kraksok nanrongtesan, ngo i mal ki nam̃er nen ru to preng sa ki natam̃ol. P̃a mro ki. Malen kin natam̃ol ru to preng sa ki nam̃er ni Isrel malpei, Natus Tap i tli na Atua i “nrom wi kir.”—Jajes 2:18.
Nafet nam̃er nen ru to preng sa ki natam̃ol, Atua i ta semsem kir mau. Natus Tap i tli na Atua i mal ki “sup̃ nen natam̃ol i krakpun natam̃ol kat tepal m̃as.—Ol Proveb 6:16, 17.
-
Atua i to mro ki akit siskei. Akit natam̃ol tu tae wi ki nafet nanrongtesan nen ru to preng akit tu nrongtesa. Iofa me i po tae wi ki nafet nanrongtesan ne.—2 Kronikel 6:29, 30.
I ta pi tuei mau, totur namermran nga, Iofa ke fo preng nom ki nafet nanrongtesan nen ru to preng sa ki natam̃ol. (Matiu 6:9, 10) Me pan tkal mal ne, Iofa i to welu nafet nam̃er nen ru to leles mes, nen ru tae nrong wi ki naweluan nga.—Ol Wok 17:27; 2 Korin 1:3, 4.
P̃A MRO USUSI
?Nlaken i ku kin Atua i tao nanrongtesan i ta to pan tkal mes?
Ku tae p̃amor nafsan leng ni nfausuen ne ROM 5:12 ngo 2 PITA 3:9.