“ውኃ ይኸውና፤ እንዳልጠመቅ የሚከለክለኝ ምን ነገር አለ?”—የሐዋርያት ሥራ 8:36

መጠመቅ ያለብህ ለምንድን ነው? የምትጠመቀውስ እንዴት ነው?

መጠመቅህ፣ ለቀድሞው አኗኗርህ እንደሞትክና የአምላክን ፈቃድ ለማድረግ አዲስ ሕይወት እንደጀመርክ ያሳያል።

• ማቴዎስ 28:19, 20

  ይሖዋን ማገልገል ከፈለግክ መጠመቅ ይኖርብሃል።

• መዝሙር 40:8

  መጠመቅህ፣ አምላክን ማገልገል እንደምትፈልግ ያሳያል።

• ማቴዎስ 3:16

  ልክ እንደ ኢየሱስ ሙሉ በሙሉ ውኃ ውስጥ መግባት ወይም መጥለቅ ይኖርብሃል።

“አምላክን መውደድ ማለት ትእዛዛቱን መጠበቅ ማለት ነውና፤ ትእዛዛቱ ደግሞ ከባድ አይደሉም።”—1 ዮሐንስ 5:3

ራስህን ለይሖዋ መወሰን ሊያስፈራህ የማይገባው ለምንድን ነው?

• መዝሙር 103:14፤ ኢሳይያስ 41:10

  ራስህን ለይሖዋ ለመወሰን ፍጹም መሆን አይጠበቅብህም። ይሖዋ ትክክል የሆነውን ነገር ማድረግ እንድትችል ይረዳሃል።

• ቆላስይስ 1:10

  ለይሖዋ ያለህ ፍቅር ‘እሱን ባሳዝነውስ’ የሚለውን ፍርሃት እንድታሸንፍ ይረዳሃል።

“አምላኬ ሆይ፣ ፈቃድህን ማድረግ ያስደስተኛል፤ ሕግህም በልቤ ውስጥ ነው።”—መዝሙር 40:8

ራስህን ለይሖዋ ለመወሰን ምን ማድረግ ይኖርብሃል?

• ዮሐንስ 17:3

  የአምላክን ቃል አጥና

  ስለ ይሖዋና ስለ ኢየሱስ ክርስቶስ ለማወቅ ጥረት አድርግ። ስለ እነሱ ይበልጥ ባወቅክ መጠን ለእነሱ ያለህ ፍቅርም እያደገ ይሄዳል።

• ዕብራውያን 11:6

  እምነትህን አጠናክር

  አምላክ ቃል የገባቸው ነገሮች እንደሚፈጸሙ እንዲሁም የኢየሱስ መሥዋዕት ከኃጢአትና ከሞት ነፃ ሊያወጣን እንደሚችል ሙሉ እምነት ይኑርህ።

• የሐዋርያት ሥራ 3:19

  ንስሐ ግባ

  ከዚህ በፊት በሠራኸው መጥፎ ነገር ከልብ ማዘን ይኖርብሃል።

  ተመለስ

  ቀደም ሲል የነበረህን መጥፎ አኗኗር ትተህ ትክክል የሆነውን ነገር ማድረግ ይጠበቅብሃል።

• 1 ጴጥሮስ 4:2

  ራስህን ወስን

  ራስህን ለይሖዋ ስትወስን፣ እሱን ብቻ ለማምለክ እንዲሁም በሕይወትህ ውስጥ የእሱን ፍላጎት ለማስቀደም በጸሎት ቃል ትገባለህ።