ሆሴዕ 12:1-14
12 “ኤፍሬም ነፋስን ይመገባል።
ቀኑን ሙሉ የምሥራቅን ነፋስ ይከተላል።
ውሸትንና ዓመፅን ያበዛል።
ከአሦር ጋር ቃል ኪዳን ይገባሉ፤+ ወደ ግብፅም ዘይት ይወስዳሉ።+
2 ይሖዋ በይሁዳ ላይ የሚያቀርበው ክስ አለው፤+ያዕቆብን እንደ መንገዱ ይቀጣዋል፤እንደ ድርጊቱም ብድራት ይከፍለዋል።+
3 በማህፀን ሳለ የወንድሙን ተረከዝ ያዘ፤+ባለ በሌለ ኃይሉም ከአምላክ ጋር ታገለ።+
4 ከመልአክ ጋር መታገሉን ቀጠለ፤ ደግሞም አሸነፈ።
ሞገስ እንዲያሳየው አልቅሶ ለመነው።”+
አምላክ በቤቴል አገኘው፤ በዚያም እኛን አነጋገረን፤+
5 እሱ የሠራዊት አምላክ ይሖዋ ነው።+የመታሰቢያ ስሙ* ይሖዋ ነው።+
6 “ስለዚህ ወደ አምላክህ ተመለስ፤+ታማኝ ፍቅርንና ፍትሕን ጠብቅ፤+ምንጊዜም በአምላክህ ተስፋ አድርግ።
7 ይሁንና በነጋዴው እጅ አታላይ ሚዛን አለ፤እሱ ማጭበርበር ይወዳል።+
8 ኤፍሬም ‘በእርግጥ እኔ ባለጸጋ ሆኛለሁ፤+ሀብት አካብቻለሁ።+
ደግሞም ከደከምኩበት ነገር ሁሉ ጋር በተያያዘ በደልም ሆነ ኃጢአት አያገኙብኝም’ ይላል።
9 ይሁንና ከግብፅ ምድር አንስቶ እኔ አምላክህ ይሖዋ ነኝ።+
በተወሰነው ጊዜ* እንደነበረው ሁሉ፣እንደገና በድንኳኖች እንድትቀመጡ አደርጋችኋለሁ።
10 ለነቢያቱ ተናገርኩ፤+ራእዮቻቸውን አበዛሁ፤በነቢያቱም በኩል ምሳሌዎችን ተናገርኩ።
11 በጊልያድ ማታለልና* ውሸት አለ።+
በጊልጋል በሬዎችን ሠውተዋል፤+በተጨማሪም መሠዊያዎቻቸው በእርሻ ትልም ላይ እንዳለ የድንጋይ ክምር ናቸው።+
12 ያዕቆብ ወደ አራም* ምድር ሸሸ፤+እስራኤል+ ሚስት ለማግኘት ሲል በዚያ አገለገለ፤+ሚስት ለማግኘትም ሲል በግ ጠባቂ ሆነ።+
13 ይሖዋ በነቢይ አማካኝነት እስራኤልን ከግብፅ አወጣው፤+በነቢይም አማካኝነት ጠበቀው።+
14 ኤፍሬም ግን እጅግ በደለው፤+ደም በማፍሰስ የፈጸመው በደል በላዩ ላይ ይሆናል፤ላመጣበትም ነቀፋ ጌታው ብድራት ይከፍለዋል።”+
