ምሳሌ 20:1-30
20 የወይን ጠጅ ፌዘኛ፣+ የሚያሰክር መጠጥም ሥርዓት አልበኛ ያደርጋል፤+በዚህ ምክንያት ከትክክለኛው መንገድ የሚወጣ ሁሉ ጥበበኛ አይደለም።+
2 ንጉሥ የሚፈጥረው ሽብር* እንደ አንበሳ* ግሳት ነው፤+የእሱን ቁጣ የሚያነሳሳ ሁሉ ሕይወቱን ለአደጋ ያጋልጣል።+
3 ሰው ከጠብ መራቁ ያስከብረዋል፤+ሞኝ የሆነ ሁሉ ግን ጥል ውስጥ ይዘፈቃል።+
4 ሰነፍ ሰው በክረምት አያርስም፤በመሆኑም በመከር ወራት ባዶውን ሲቀር ይለምናል።*+
5 በሰው ልብ ውስጥ ያለ ሐሳብ* እንደ ጥልቅ ውኃ ነው፤አስተዋይ ሰው ግን ቀድቶ ያወጣዋል።
6 ብዙ ሰዎች ስለ ራሳቸው ታማኝ ፍቅር ያወራሉ፤ይሁንና ታማኝ የሆነን ሰው ማን ሊያገኘው ይችላል?
7 ጻድቅ ንጹሕ አቋሙን* ጠብቆ ይመላለሳል።+
ከእሱ በኋላ የሚመጡት ልጆቹ ደስተኞች ናቸው።+
8 ንጉሥ ለመፍረድ በዙፋን ላይ ሲቀመጥ፣+ክፋትን ሁሉ በዓይኖቹ ያበጥራል።+
9 “ልቤን አንጽቻለሁ፤+ከኃጢአቴም ነጽቻለሁ” ሊል የሚችል ማን ነው?+
10 አባይ ሚዛንና የሐሰት መለኪያ፣*ሁለቱም በይሖዋ ፊት አስጸያፊ ናቸው።+
11 ሕፃን እንኳ ባሕርይው ንጹሕና ትክክል መሆኑበአድራጎቱ ይታወቃል።+
12 የሚሰማ ጆሮንና የሚያይ ዓይንን፣ሁለቱንም የሠራው ይሖዋ ነው።+
13 እንቅልፍ አትውደድ፤ አለዚያ ድሃ ትሆናለህ።+
ዓይንህን ግለጥ፤ የተትረፈረፈ ምግብም ታገኛለህ።+
14 ዕቃ የሚገዛ ሰው “የማይረባ ነው፣ የማይረባ ነው!” ይላል፤ከሄደ በኋላ ግን በራሱ ይኩራራል።+
15 ወርቅ አለ፤ ዛጎልም* ተትረፍርፏል፤እውቀትን የሚናገሩ ከንፈሮች ግን ውድ ናቸው።+
16 አንድ ሰው ለማያውቀው ሰው ዋስ ከሆነ ልብሱን ውሰድበት፤+ይህን ያደረገው ለባዕድ ሴት* ብሎ ከሆነ መያዣውን ውሰድ።+
17 ሰው በማጭበርበር ያገኘው ምግብ ያስደስተዋል፤በኋላ ግን አፉን ኮረት ይሞላዋል።+
18 መመካከር* ሲኖር የታቀደው ነገር ይሳካል፤*+ለውጊያም ስትወጣ ጥበብ ያለበት አመራር ተቀበል።+
19 ስም የሚያጠፋ ሰው እየዞረ የሌሎችን ሚስጥር ይገልጣል፤+ማማት ከሚወድ ሰው* ጋር አትወዳጅ።
20 አባቱንና እናቱን የሚረግም ሁሉጨለማ ሲሆን መብራቱ ይጠፋበታል።+
21 በመጀመሪያ በስግብግብነት የተገኘ ውርስ፣የኋላ ኋላ በረከት አይሆንም።+
22 “ቆይ፣ ብድሬን ባልመልስ!” አትበል።+
ይሖዋን ተስፋ አድርግ፤+ እሱም ያድንሃል።+
23 አባይ ሚዛን* በይሖዋ ፊት አስጸያፊ ነው፤ለማጭበርበር የሚያገለግሉ መለኪያዎችንም መጠቀም ጥሩ አይደለም።
24 ይሖዋ የሰውን አካሄድ ይመራል፤+ሰው የገዛ መንገዱን* እንዴት ማስተዋል ይችላል?
25 ሰው ቸኩሎ “የተቀደሰ ነው!”+ ቢልና
ከተሳለ በኋላ ስእለቱን መልሶ ማጤን ቢጀምር ወጥመድ ይሆንበታል።+
26 ጥበበኛ ንጉሥ ክፉ ሰዎችን ያበጥራል፤+የመውቂያ መንኮራኩርም* በላያቸው ያስኬዳል።+
27 የሰው እስትንፋስ የይሖዋ መብራት ነው፤ውስጣዊ ማንነቱን በሚገባ ይመረምራል።
28 ታማኝ ፍቅርና ታማኝነት ንጉሥን ይጠብቃሉ፤+በታማኝ ፍቅርም ዙፋኑን ያጸናል።+
29 የወጣቶች ክብር ጉልበታቸው ነው፤+የአረጋውያንም ግርማ ሽበታቸው ነው።+
30 ሰንበርና ቁስል ክፋትን ያስወግዳል፤*+ግርፋትም የአንድን ሰው ውስጣዊ ማንነት ያጠራል።
የግርጌ ማስታወሻ
^ ወይም “የንጉሥ አስፈሪነት።”
^ ወይም “ደቦል አንበሳ።”
^ “በመከር ወራት ይፈልጋል፤ ግን አያገኝም” ማለትም ሊሆን ይችላል።
^ ወይም “ዕቅድ።” ቃል በቃል “ምክር።”
^ ወይም “ሁለት ዓይነት የድንጋይ ሚዛንና ሁለት ዓይነት መስፈሪያ።”
^ የቃላት መፍቻውን ተመልከት።
^ ወይም “ለባዕድ።”
^ ወይም “ምክር።”
^ ወይም “ይጸናል።”
^ ወይም “በከንፈሮቹ ከሚያባብል ሰው።”
^ ወይም “ሁለት ዓይነት የድንጋይ ሚዛን።”
^ ወይም “የሚሄድበትን መንገድ።”
^ ተሽከርካሪ እግር።
^ ወይም “ያነጻል።”
