ኢሳይያስ 15:1-9
-
በሞዓብ ላይ የተላለፈ ፍርድ (1-9)
15 በሞዓብ ላይ የተላለፈ ፍርድ፦+
የሞዓብ ኤር+ በሌሊት ስለወደመችጸጥ ረጭ ብላለች።
የሞዓብ ቂር+ በሌሊት ስለወደመችጸጥ ረጭ ብላለች።
2 ወደ ቤቱ፣* ወደ ዲቦን፣+ወደ ከፍታ ቦታዎቹም ለማልቀስ ወጥቷል።
ሞዓብ ስለ ነቦና+ ስለ መደባ+ ዋይ ዋይ ይላል።
ራስ ሁሉ ተመልጧል፤+ ጢምም ሁሉ ተላጭቷል።+
3 በጎዳናዎቹ ላይ ማቅ ለብሰው ይታያሉ።
ሁሉም በጣሪያዎቻቸውና በአደባባዮቻቸው ላይ ዋይ ዋይ ይላሉ፤እያለቀሱም ይወርዳሉ።+
4 ሃሽቦንና ኤልዓሌ+ ያለቅሳሉ፤ድምፃቸው እስከ ያሃጽ+ ድረስ ተሰምቷል።
ከዚህም የተነሳ የሞዓብ ተዋጊዎች ይጮኻሉ።
እሱም* ይንቀጠቀጣል።
5 ልቤ ስለ ሞዓብ ያለቅሳል።
የሚሸሹት የሞዓብ ሰዎች እስከ ዞአርና+ እስከ ኤግላት ሸሊሺያ+ ድረስ ተሰደዱ።
እያለቀሱ የሉሂትን ዳገት ይወጣሉ፤በደረሰባቸው ድንገተኛ ጥፋት የተነሳ ወደ ሆሮናይም በሚወስደው መንገድ ላይ ሲሄዱ ይጮኻሉ።+
6 የኒምሪም ውኃዎች ደርቀዋልና፤ለምለሙ የግጦሽ መስክ ደርቋል፤ሣሩ ጠፍቷል፤ አንድም የለመለመ ነገር አይታይም።
7 በመሆኑም ካከማቹት ንብረት ውስጥ የተረፈውን እንዲሁም ሀብታቸውን ተሸክመውየአኻያ ዛፎች የሚገኙበትን ሸለቆ* ይሻገራሉ።
8 ጩኸታቸው እስከ ሞዓብ ወሰን ድረስ አስተጋብቷል።+
ዋይታቸው እስከ ኤግላይም፣እስከ በኤርዔሊም ድረስም ተሰምቷል።
9 የዲሞን ውኃዎች በደም ተሞልተዋልና፤በዲሞንም ላይ ተጨማሪ ነገሮች አመጣለሁ፦
በሚሸሹት ሞዓባውያንናበምድሪቱ ላይ በሚቀሩት ሰዎች ላይ አንበሶች እሰዳለሁ።+
