ኢሳይያስ 27:1-13
27 በዚያን ቀን ይሖዋ፣ በፍጥነት እየተሳበ የሚሄደውን እባብ ሌዋታንን፣*ደግሞም እየተጥመለመለ የሚጓዘውን እባብ ሌዋታንንትልቅ፣ ኃይለኛና ምሕረት የለሽ በሆነው ሰይፉ ይቀጣዋል፤+በባሕር ውስጥ ያለውንም ግዙፍ ፍጥረት ይገድለዋል።
2 በዚያ ቀን ለእሷ* እንዲህ ብላችሁ ዘምሩ፦
“የሚፈላ የወይን ጠጅ የሚመረትባት የወይን እርሻ!+
3 እኔ ይሖዋ እጠብቃታለሁ።+
በየጊዜው ውኃ አጠጣታለሁ።+
ማንም ጉዳት እንዳያደርስባትሌት ተቀን እጠብቃታለሁ።+
4 ከእንግዲህ አልቆጣትም።+
በውጊያው ላይ ቁጥቋጦና አረም ይዞ የሚገጥመኝ ማን ነው?
ሁሉንም በአንድ ላይ እረግጣቸዋለሁ፤ በእሳትም አቃጥላቸዋለሁ።
5 አለዚያ ምሽጌን የሙጥኝ ይበል።
ከእኔ ጋር ሰላም ይፍጠር፤አዎ፣ ከእኔ ጋር ሰላም ይፍጠር።”
6 በመጪዎቹ ቀናት ያዕቆብ ሥር ይሰዳል፤እስራኤል ያብባል እንዲሁም ይለመልማል፤+ምድሩንም በምርት ይሞሉታል።+
7 እሱ አሁን በተመታበት ሁኔታ መመታቱ ተገቢ ነው?
ወይስ የተገደሉበት ሰዎች በተፈጁበት መንገድ መገደሉ አስፈላጊ ነው?
8 እሷን በምትልካት ጊዜ በአስደንጋጭ ጩኸት ትፋለማታለህ።
የምሥራቅ ነፋስ በሚነፍስበት ቀን በኃይለኛ አውሎ ነፋሱ ያስወግዳታል።+
9 በመሆኑም የያዕቆብ በደል በዚህ መንገድ ይሰረይለታል፤+ኃጢአቱ በሚወገድበት ጊዜ ፍሬው በሙሉ ይህ ይሆናል፦
የመሠዊያ ድንጋዮቹን ሁሉእንደደቀቀ የኖራ ድንጋይ ያደርጋል፤የማምለኪያ ግንዶቹም* ሆኑ የዕጣን ማጨሻዎቹ አይተርፉም።+
10 የተመሸገችው ከተማ ትተዋለችና፤የግጦሽ መሬቱም ወና ይሆናል፤ እንደ ምድረ በዳም የተተወ ይሆናል።+
በዚያ ጥጃ ይግጣል፤ ይተኛልም፤ቅርንጫፎቿንም ይበላል።+
11 ቀንበጦቿ በሚደርቁበት ጊዜሴቶች መጥተው ይሰብሯቸዋል፤ከዚያም ማገዶ ያደርጓቸዋል።
ይህ ሕዝብ ማስተዋል ይጎድለዋልና።+
በዚህም ምክንያት ፈጣሪያቸው ምንም ምሕረት አያደርግላቸውም፤ሠሪያቸውም ምንም ዓይነት ሞገስ አያሳያቸውም።+
12 በዚያም ቀን የእስራኤል ሕዝብ ሆይ፣ ሰው ዛፍ ላይ ያሉ ፍሬዎችን አርግፎ አንድ በአንድ እንደሚለቅም ሁሉ፣ ይሖዋም ከታላቁ ወንዝ* አንስቶ እስከ ግብፅ ደረቅ ወንዝ*+ ድረስ ባለው ቦታ ሁሉ የተበተናችሁትን ይሰበስባችኋል።+
13 በዚያም ቀን ትልቅ ቀንደ መለከት ይነፋል፤+ በአሦር ምድር+ የጠፉትና በግብፅ ምድር+ የተበተኑት መጥተው በኢየሩሳሌም በሚገኘው ቅዱስ ተራራ ላይ ለይሖዋ ይሰግዳሉ።+
የግርጌ ማስታወሻ
^ የቃላት መፍቻውን ተመልከት።
^ እዚህ ላይ በአንስታይ ፆታ የተገለጸችውና በወይን እርሻ የተመሰለችው እስራኤል ልትሆን ትችላለች።
^ የቃላት መፍቻውን ተመልከት።
^ ኤፍራጥስን ያመለክታል።
^ የቃላት መፍቻውን ተመልከት።
