ኢሳይያስ 28:1-29
28 ጎልታ ለምትታየው* ለኤፍሬም+ ሰካራሞች አክሊል* ወዮላት!ይህች የምታምር ጌጥ በወይን ጠጅ የተሸነፉ ሰዎች በሚኖሩበትለም ሸለቆ አናት ላይ የምትገኝ የምትጠወልግ አበባ ናት።
2 እነሆ፣ ይሖዋ ጠንካራና ብርቱ የሆነውን ይልካል።
እሱም እንደ ነጎድጓዳማ የበረዶ ውሽንፍር፣ እንደ አጥፊ አውሎ ነፋስ፣ኃይለኛ ጎርፍ እንደሚያስከትል ነጎድጓዳማ ውሽንፍርበኃይል አሽቀንጥሮ ወደ ምድር ይጥላታል።
3 ጎልተው የሚታዩት* የኤፍሬም ሰካራሞች ያደረጓቸው አክሊሎችበእግር ይረገጣሉ።+
4 ለም በሆነው ሸለቆ አናት ላይ የምትገኘውናየምታምር ጌጥ የሆነችው የምትጠወልግ አበባከበጋ በፊት፣ በመጀመሪያው ወቅት እንደምትበስል በለስ ትሆናለች።
ሰውም ባያት ጊዜ ቀጥፎ ወዲያውኑ ይውጣታል።
5 በዚያ ቀን የሠራዊት ጌታ ይሖዋ ከሕዝቡ መካከል ለተረፉት ሰዎች የሚያምር አክሊልና ውብ የአበባ ጉንጉን ይሆናል።+
6 በፍርድ ወንበር ለተቀመጠውም የፍትሕ መንፈስ፣ የከተማዋ በር ላይ የሚሰነዘረውን ጥቃት ለሚመክቱም የብርታት ምንጭ ይሆናል።+
7 እነዚህም ከወይን ጠጅ የተነሳ መንገድ ይስታሉ፤ከሚያሰክር መጠጥ የተነሳም ይንገዳገዳሉ።
ካህኑና ነቢዩ ከጠጡት መጠጥ የተነሳ መንገድ ይስታሉ፤ከወይን ጠጅ የተነሳ ግራ ይጋባሉ፤ከሚያሰክር መጠጥ የተነሳም ይንገዳገዳሉ፤የሚያዩት ራእይ መንገድ ያስታቸዋል፤ፍርድ ሲሰጡም ይሳሳታሉ።+
8 ገበታቸው ሁሉ በሚያስጸይፍ ትውከት ተሞልቷል፤ያልተበላሸ ቦታም የለም።
9 እነሱም እንዲህ ይላሉ፦ “እውቀትን የሚያካፍለው ለማን ነው?መልእክቱንስ የሚያስረዳው ለማን ነው?
ገና ወተት ለተዉ፣ጡትም ለጣሉ ሕፃናት ነው?
10 ‘በትእዛዝ ላይ ትእዛዝ፣ በትእዛዝ ላይ ትእዛዝ፣በሥርዓት ላይ ሥርዓት፣ በሥርዓት ላይ ሥርዓት፣*+እዚህ ጥቂት፣ እዚያ ጥቂት’ ነውና።”
11 ስለዚህ በሚንተባተቡ ሰዎች አንደበትና በባዕድ ቋንቋ ለዚህ ሕዝብ ይናገራል።+
12 በአንድ ወቅት “ይህ የእረፍት ቦታ ነው። የዛለው እንዲያርፍ አድርጉ፤ ይህ የእፎይታ ቦታ ነው” ብሏቸው ነበር፤ እነሱ ግን ለመስማት ፈቃደኞች አልሆኑም።+
13 የይሖዋም ቃል ለእነሱ
“በትእዛዝ ላይ ትእዛዝ፣ በትእዛዝ ላይ ትእዛዝ፣በሥርዓት ላይ ሥርዓት፣ በሥርዓት ላይ ሥርዓት፣*+እዚህ ጥቂት፣ እዚያ ጥቂት” ይሆንባቸዋል፤
በመሆኑም ሲሄዱ፣ተሰናክለው ወደ ኋላ ይወድቃሉ፤ደግሞም ይሰበራሉ፣ ይጠመዳሉ እንዲሁም ይያዛሉ።+
14 ስለዚህ እናንተ ጉረኞች፣በኢየሩሳሌም የሚኖረው ሕዝብ ገዢዎች፣ የይሖዋን ቃል ስሙ፦
15 እናንተ እንዲህ ብላችኋልና፦
“ከሞት ጋር ቃል ኪዳን ገብተናል፤+ከመቃብርም * ጋር ስምምነት አድርገናል።*
በድንገት የሚያጥለቀልቅ ጎርፍ ሲያልፍእኛን አይነካንም፤ውሸትን መጠጊያችን አድርገናልና፤በሐሰትም ውስጥ ተደብቀናል።”+
16 ስለዚህ ሉዓላዊው ጌታ ይሖዋ እንዲህ ይላል፦
“እነሆ፣ በጽዮን የመሠረት ድንጋይ ይኸውም የተፈተነ ድንጋይ፣+አስተማማኝ መሠረት+ ሆኖ የተጣለ ክቡር የማዕዘን ድንጋይ+ አኖራለሁ።
በእሱ የሚያምን አይደናገጥም።+
17 እኔም ፍትሕን የመለኪያ ገመድ፣+ጽድቅንም ውኃ ልክ* አደርጋለሁ።+
የውሸት መጠጊያውን፣ በረዶ ጠራርጎ ይወስደዋል፤ውኃዎቹም መደበቂያ ቦታውን ያጥለቀልቁታል።
18 ከሞት ጋር የገባችሁት ቃል ኪዳን ይፈርሳል፤ከመቃብርም * ጋር ያደረጋችሁት ስምምነት አይጸናም።+
በድንገት የሚያጥለቀልቀው ጎርፍ ሲያልፍድምጥማጣችሁን ያጠፋል።
19 ጎርፉ ባለፈ ቁጥርጠራርጎ ይወስዳችኋል፤+በየማለዳው እንዲሁምበቀንና በሌሊት ያልፋልና።
የተነገረውን ነገር እንዲረዱ የሚያደርገው ሽብር ብቻ ነው።”*
20 እግር ተዘርግቶ እንዳይተኛ አልጋው አጭር ነውና፤ተሸፋፍኖም እንዳይተኛ ጨርቁ በጣም ጠባብ ነው።
21 ይሖዋ ተግባሩን ይኸውም እንግዳ የሆነ ተግባሩን ያከናውን ዘንድእንዲሁም ሥራውን ይኸውም ያልተለመደ ሥራውን ይሠራ ዘንድ+በጰራጺም ተራራ እንዳደረገው ይነሳልና፤በገባኦን አቅራቢያ ባለው ሸለቆ* እንዳደረገውም ራሱን ያነሳሳል።+
22 እንግዲህ ፌዘኞች አትሁኑ፤+አለዚያ እስራቱ ይበልጥ ይጠብቅባችኋል፤ሉዓላዊው ጌታ፣ የሠራዊት ጌታ ይሖዋአገሪቱን በሙሉ* ለማጥፋት ያስተላለፈውን ፍርድ ሰምቻለሁና።+
23 ጆሯችሁን አዘንብሉ፤ ድምፄንም ስሙ፤ለምናገረው ነገር ትኩረት ስጡ፤ በጥሞናም አዳምጡ።
24 ገበሬ ዘር ከመዝራቱ በፊት ቀኑን ሙሉ ሲያርስ ይውላል?
ደግሞስ ጓሉን ሲከሰክስና መሬቱን ሲያለሰልስ ይከርማል?+
25 ከዚህ ይልቅ መሬቱን ከደለደለ በኋላጥቁር አዝሙድና ከሙን አይዘራም?ስንዴውን፣ ማሽላውንና ገብሱንስ በቦታ በቦታቸው አይዘራም?ደግሞስ አጃውን+ ዳር ላይ አይዘራም?
26 አምላክ ሰውን በትክክለኛው መንገድ ያስተምረዋል፤*ደግሞም ይመራዋል።+
27 ጥቁር አዝሙድ በማሄጃ*+ አይወቃም፤በከሙንም ላይ የመውቂያ መንኮራኩር* እንዲሄድ አይደረግም።
ጥቁር አዝሙድ በበትር፣ከሙንም በዘንግ ይወቃል።
28 ሰው የዳቦ እህል እንዲደቅ ያደርጋል?
በጭራሽ፤ እስኪደቅ ድረስ አይወቃውም፤+በፈረሶቹ የሚጎተተውን የመውቂያ መንኮራኩር በሚያስኬድበት ጊዜ፣እህሉን አያደቀውም።+
29 ይህም የተገኘው፣ አስደናቂ ምክር* ካለውናታላላቅ ሥራዎችን ካከናወነው*ከሠራዊት ጌታ ከይሖዋ ነው።+
የግርጌ ማስታወሻ
^ ወይም “ትዕቢተኛ ወይም ኩሩ ለሆነችው።”
^ ዋና ከተማዋን ሰማርያን የምታመለክት ልትሆን ትችላለች።
^ ወይም “ትዕቢተኛ ወይም ኩሩ የሆኑት።”
^ ወይም “በመለኪያ ገመድ ላይ መለኪያ ገመድ፣ በመለኪያ ገመድ ላይ መለኪያ ገመድ።”
^ ወይም “በመለኪያ ገመድ ላይ መለኪያ ገመድ፣ በመለኪያ ገመድ ላይ መለኪያ ገመድ።”
^ ወይም “ከሲኦልም።” የሰው ልጆችን ሁሉ መቃብር ያመለክታል። የቃላት መፍቻውን ተመልከት።
^ “ራእይ አይተናል” ማለትም ሊሆን ይችላል።
^ ወይም “ቱምቢ።”
^ ወይም “ከሲኦልም።” የሰው ልጆችን ሁሉ መቃብር ያመለክታል። የቃላት መፍቻውን ተመልከት።
^ “የተነገረውን ነገር ሲረዱ በሽብር ይዋጣሉ” ማለትም ሊሆን ይችላል።
^ ወይም “ረባዳማ ሜዳ።”
^ ወይም “መላዋን ምድር።”
^ ወይም “ሰውን . . . ይገሥጸዋል፤ ይቀጣዋል።”
^ ጥርስ መሳይ ጉጦች ያሉት የእህል መውቂያ።
^ ተሽከርካሪ እግር።
^ ወይም “ዓላማ።”
^ ወይም “ጥበቡ ታላቅ ከሆነው።”
