ዘዳግም 32:1-52
32 “ሰማያት ሆይ፣ ጆሯችሁን ስጡኝ፤ እኔም እናገራለሁ፤ምድርም የአፌን ቃል ትስማ።
2 ትምህርቴ እንደ ዝናብ ይወርዳል፤ካፊያ ሣር ላይ እንደሚወርድ፣የሚያረሰርስ ዝናብም ተክልን እንደሚያጠጣ፣ቃሌም እንደ ጤዛ ይንጠባጠባል።
3 የይሖዋን ስም አውጃለሁና።+
ስለ አምላካችን ታላቅነት ተናገሩ!+
4 እሱ ዓለት፣ የሚያደርገውም ነገር ሁሉ ፍጹም ነው፤+መንገዶቹ ሁሉ ፍትሕ ናቸውና።+
እሱ ፈጽሞ ፍትሕን የማያጓድል+ ታማኝ+ አምላክ ነው፤ጻድቅና ትክክለኛ ነው።+
5 ምግባረ ብልሹ የሆኑት እነሱ ናቸው።+
ልጆቹ አይደሉም፤ ጉድለቱ የራሳቸው ነው።+
ጠማማና ወልጋዳ ትውልድ ናቸው!+
6 እናንተ ሞኞችና ጥበብ የጎደላችሁ ሰዎች ሆይ፣+በይሖዋ ላይ እንዲህ ያለ ነገር ታደርጋላችሁ?+
ወደ ሕልውና ያመጣህ አባትህ እሱ አይደለም?+የሠራህና አጽንቶ ያቆመህስ እሱ አይደለም?
7 የጥንቱን ዘመን አስታውስ፤ያለፉት ትውልዶች የኖሩባቸውን ዓመታት መለስ ብለህ አስብ።
አባትህን ጠይቅ፤ ሊነግርህ ይችላል፤+ሽማግሌዎችህንም ጠይቅ፤ ይነግሩሃል።
8 ልዑሉ ለብሔራት ርስታቸውን ሲሰጥ፣+የአዳምን ልጆች* አንዱን ከሌላው ሲለያይ፣+በእስራኤል ልጆች ቁጥር ልክ+የሕዝቦችን ወሰን ደነገገ።+
9 የይሖዋ ሕዝብ ድርሻው ነው፤+ያዕቆብ ርስቱ ነው።+
10 እሱን ምድረ በዳ በሆነ ምድር፣+ነፋስ በሚያፏጭበት ጭው ያለ በረሃ አገኘው።+
ሊጠብቀውም ዙሪያውን ከበበው፤ ተንከባከበው፤+እንደ ዓይኑም ብሌን ጠበቀው።+
11 ንስር ጎጆዋን እንደምትነቀንቅናከጫጩቶቿ በላይ እንደምታንዣብብ፣ክንፎቿን ዘርግታ እንደምትይዛቸው፣በላባዎቿም እንደምትሸከማቸው ሁሉ+
12 ይሖዋ ብቻውን መራው፤*+ከእሱም ጋር ምንም ባዕድ አምላክ አልነበረም።+
13 በምድር ላይ በሚገኙ ከፍ ያሉ ቦታዎች እንዲሄድ አደረገው፤+ስለሆነም የእርሻውን ምርት በላ።+
ከዓለት ማር አበላው፤ከባልጩትም ዘይት መገበው፤
14 የላሞቹን ቅቤና የመንጋውን ወተትምርጥ ከሆነው በግ* ጋር ሰጠው፤የባሳንን አውራ በጎችና አውራ ፍየሎችከምርጥ ስንዴ* ጋር ሰጠው፤+አንተም ከወይን ፍሬው ደም* የወይን ጠጅ ጠጣህ።
15 የሹሩን* ሲወፍር በዓመፀኝነት ተራገጠ።
ሰባህ፤ ፈረጠምክ፤ ደለብክ።+
ስለሆነም የሠራውን አምላክ ተወ፤+አዳኝ የሆነለትን ዓለት ናቀ።
16 በባዕዳን አማልክት አስቆጡት፤+በአስጸያፊ ነገሮችም አሳዘኑት።+
17 ለአምላክ ሳይሆን ለአጋንንት፣+ለማያውቋቸው አማልክት፣በቅርቡ ለተነሱ ለአዲሶች፣አባቶቻችሁ ለማያውቋቸው አማልክት ይሠዉ ነበር።
18 አባት የሆነህን ዓለት ረሳኸው፤+የወለደህንም አምላክ አላስታወስክም።+
19 ይሖዋ ይህን ሲያይ ተዋቸው፤+ወንዶችና ሴቶች ልጆቹ አሳዝነውት ነበርና።
20 ስለዚህ እንዲህ አለ፦ ‘ፊቴን ከእነሱ እሰውራለሁ፤+ምን እንደሚሆኑም አያለሁ።
ምክንያቱም እነሱ ጠማማ ትውልድ ናቸው፤+ታማኝነት የሚባል ነገር የማያውቁ ልጆች ናቸው።+
21 እነሱ አምላክ ባልሆነው አስቆጡኝ፤+ከንቱ በሆኑ ጣዖቶቻቸው አሳዘኑኝ።+
በመሆኑም እኔ ሕዝብ ባልሆነው አስቀናቸዋለሁ፤+ሞኝ በሆነ ብሔር አበሳጫቸዋለሁ።+
22 ምክንያቱም ቁጣዬ እሳት አቀጣጥሏል፤+እሱም እስከ መቃብር* ጥልቀት ድረስ ዘልቆ ይነድዳል፤+ምድርንና ምርቷን ይበላል፤የተራሮችንም መሠረት ያቃጥላል።
23 መከራቸውን አበዛዋለሁ፤ቀስቶቼን በእነሱ ላይ እጨርሳለሁ።
24 በረሃብ ይዳከማሉ፤+በሚያቃጥል ትኩሳትና በመራራ ጥፋት ይበላሉ።+
የአራዊትን ጥርስ፣በምድር ላይ የሚሳቡ እንስሳትንም መርዝ እልክባቸዋለሁ።+
25 ወጣቱንም ሆነ ልጃገረዲቱን፣ጨቅላውንም ሆነ ሽማግሌውን፣+በውጭ፣ ሰይፍ ለሐዘን ይዳርጋቸዋል፤+በቤት ውስጥ ደግሞ ሽብር አለ።+
26 እኔም “እበትናቸዋለሁ፤መታሰቢያቸውም ከሰዎች ዘንድ እንዲጠፋ አደርጋለሁ” ባልኩ ነበር፤
27 ነገር ግን የጠላትን ምላሽ ፈራሁ፤+ምክንያቱም ባላጋራዎቼ በተሳሳተ መንገድ ሊረዱት ይችላሉ።+
“ክንዳችን የበላይ ሆነ፤+ይህን ሁሉ ያደረገው ይሖዋ አይደለም” ሊሉ ይችላሉ።
28 እነሱ ማመዛዘን የጎደለው* ብሔር ናቸው፤በመካከላቸውም ማስተዋል የሚባል ነገር የለም።+
29 ምነው ጥበበኛ በሆኑ ኖሮ!+ ይህን ሁሉ ያሰላስሉ ነበር።+
የሚደርስባቸውንም ያስቡ ነበር።+
30 ዓለታቸው ካልሸጣቸውና+ይሖዋ ለምርኮ ካልዳረጋቸው በስተቀር
አንድ ሰው 1,000 ሊያሳድድ፣ሁለት ሰው ደግሞ 10,000 ሊያባርር እንዴት ይችላል?+
31 የእነሱ ዓለት እንደ እኛ ዓለት አይደለም፤+ጠላቶቻችንም እንኳ ይህን ተረድተዋል።+
32 ወይናቸው ከሰዶም የወይን ተክልናከገሞራ የእርሻ ቦታ የተገኘ ነው።+
የወይን ፍሬያቸው መርዛማ የወይን ፍሬ ነው፤ዘለላቸው መራራ ነው።+
33 የወይን ጠጃቸው የእባቦች መርዝ፣የጉበናም* ምሕረት የለሽ መርዝ ነው።
34 ይህ እኔ ጋ ያለ፣በግምጃ ቤቴ ውስጥ ማኅተም ታትሞበት የተቀመጠ አይደለም?+
35 በቀልም ሆነ ቅጣት የእኔ ነው፤+አስቀድሞ የተወሰነው ጊዜ ሲደርስ እግራቸው ይከዳቸዋል፤+የሚጠፉበት ቀን ቀርቧልና፤የሚጠብቃቸውም ነገር በፍጥነት ይመጣል።’
36 ይሖዋ ሕዝቡን ይዳኛል፤+አገልጋዮቹ አቅም እንዳነሳቸው፣ረዳት የለሽና ደካማ የሆኑት ብቻ እንደቀሩ ሲያይለእነሱ ያዝንላቸዋል።*+
37 ከዚያም እንዲህ ይላል፦ ‘አማልክታቸው የት አሉ?+መሸሸጊያ እንዲሆናቸው የተጠጉት ዓለትስ የት አለ?
38 የመሥዋዕቶቻቸውን ስብ* ይበላ፣የመጠጥ መባዎቻቸውንም የወይን ጠጅ ይጠጣ የነበረው የት አለ?+
እስቲ ተነስተው ይርዷችሁ።
እስቲ መሸሸጊያ ስፍራ ይሁኑላችሁ።
39 እንግዲህ እኔ እሱ እንደሆንኩ እዩ፤+ከእኔ በቀር ሌሎች አማልክት የሉም።+
እኔ እገድላለሁ፤ እኔ ሕያው አደርጋለሁ።+
እኔ አቆስላለሁ፤+ እኔው እፈውሳለሁ፤+ከእጄም ማዳን የሚችል የለም።+
40 እጄን ወደ ሰማይ አንስቼ፣“በዘላለማዊ ሕያውነቴ” ብዬ እምላለሁ፤+
41 የሚያብረቀርቅ ሰይፌን ከሳልኩናእጄን ለፍርድ ካዘጋጀሁ፣+ተቃዋሚዎቼን እበቀላለሁ፤+የሚጠሉኝንም እቀጣለሁ።
42 በታረዱና በተማረኩ ሰዎች ደም፣በጠላት መሪዎች ራስ፣ቀስቶቼን በደም አሰክራለሁ፤ሰይፌም ሥጋ ይበላል።’
43 እናንተ ብሔራት ከሕዝቡ ጋር ደስ ይበላችሁ፤+እሱ የአገልጋዮቹን ደም ይመልሳልና፤+ተቃዋሚዎቹንም ይበቀላል፤+ለሕዝቡም ምድር ያስተሰርይለታል።”*
44 ሙሴም ከነዌ ልጅ ከሆሺአ*+ ጋር መጥቶ የዚህን መዝሙር ቃላት በሙሉ ሕዝቡ እየሰማ ተናገረ።+
45 ሙሴ እነዚህን ቃላት በሙሉ ለመላው እስራኤል ተናግሮ ከጨረሰ በኋላ
46 እንዲህ አላቸው፦ “የዚህን ሕግ ቃላት በሙሉ በጥንቃቄ ይጠብቁ ዘንድ ልጆቻችሁን እንድታዟቸው+ እኔ በዛሬው ዕለት እናንተን ለማስጠንቀቅ የምነግራችሁን ቃል ሁሉ ልብ በሉ።+
47 ይህ ቃል ለእናንተ ሕይወታችሁ እንጂ እንዲሁ ባዶ ቃል አይደለም፤+ ይህ ቃል ዮርዳኖስን ተሻግራችሁ በምትወርሷት ምድር ላይ ዕድሜያችሁን ሊያረዝምላችሁ ይችላል።”
48 ይሖዋ በዚያው ዕለት ሙሴን እንዲህ አለው፦
49 “በኢያሪኮ ትይዩ በሞዓብ ምድር ወደሚገኘው ወደዚህ የአባሪም ተራራ+ ይኸውም ወደ ነቦ ተራራ+ ወጥተህ ለእስራኤላውያን ርስት አድርጌ የምሰጣትን የከነአንን ምድር ተመልከት።+
50 ወንድምህ አሮን በሆር ተራራ ላይ ሞቶ+ ወደ ወገኖቹ እንደተሰበሰበ* ሁሉ አንተም በምትወጣበት በዚህ ተራራ ላይ ትሞታለህ፤ ወደ ወገኖችህም ትሰበሰባለህ፤
51 ምክንያቱም ሁለታችሁም በጺን ምድረ በዳ በሚገኘው በቃዴስ፣ በመሪባ ውኃዎች+ አጠገብ በእስራኤላውያን መካከል ለእኔ ታማኝ ሆናችሁ አልተገኛችሁም፤ እንዲሁም በእስራኤል ሕዝብ ፊት እኔን አልቀደሳችሁኝም።+
52 ምድሪቱን ከሩቅ ታያታለህ፤ ሆኖም ለእስራኤል ሕዝብ ወደምሰጣት ምድር አትገባም።”+
የግርጌ ማስታወሻ
^ “የሰው ዘርን” ማለትም ሊሆን ይችላል።
^ ያዕቆብን ያመለክታል።
^ ቃል በቃል “ከበጉ ስብ።”
^ ቃል በቃል “ከስንዴው ኩላሊት ስብ።”
^ ወይም “ጭማቂ።”
^ “ቅን የሆነው” የሚል ትርጉም ያለው ሲሆን ለእስራኤል የተሰጠ የማዕረግ ስም ነው።
^ ወይም “ሲኦል።” የሰው ልጆችን ሁሉ መቃብር ያመለክታል። የቃላት መፍቻውን ተመልከት።
^ “ምክር የማይሰማ” ማለትም ሊሆን ይችላል።
^ በእስያና በአፍሪካ የሚገኝ እጅግ መርዘኛ የሆነ እባብ፤ ኮብራ።
^ ወይም “በእነሱ ይጸጸታል።”
^ ወይም “ምርጥ የሆኑ መሥዋዕቶቻቸውን።”
^ ወይም “የሕዝቡንም ምድር ያነጻል።”
^ የኢያሱ ዋነኛው ስም ነው። ሆሺአ የሆሻያህ አጭር አጠራር ሲሆን “ያህ ያዳነው፤ ያህ አድኗል” የሚል ትርጉም አለው።
^ ይህ ሞትን የሚያመለክት ቅኔያዊ አነጋገር ነው።
