Jainkoak eboluzioa erabili al zuen izaki desberdinak sortzeko?
Bibliaren erantzuna
Ez. Bibliak argi dio Jainkoak gizakiak, animaliak eta landareak «bere motaren arabera» sortu zituela a (Hasiera 1:12, 21, 25, 27, Du; Apokalipsia 4:11). Giza familia osoa gure lehen gurasoengandik, hau da, Adam eta Ebarengandik datorrela azaltzen du Bibliak (Hasiera 3:20; 4:1). Eboluzio teistikoa edo Jainkoak bizi-forma guztiak sortzeko eboluzioa erabili zuela adierazten duen teoria, ez dator bat Bibliak esaten duenarekin. Bestalde, zientziak bizi-forma bakoitzean aldaketak egon daitezkeela frogatu du, eta Biblia ez dago horren aurka. b
Erabili al zuen Jainkoak eboluzioa?
«Eboluzio teistiko» esapideak oso ideia desberdinak biltzen ditu. Entziklopedia baten arabera, esapide honek ondorengoa esan nahi du: «Jainkoak, besteak beste, hautespen naturala erabiltzen duela natura edo izadia zuzentzeko» (Encyclopædia Britannica).
Eboluzio teistikoak ondorengo ideiak bildu ditzakete ere:
Izaki bizidun guztiek duela urte asko existitu ziren arbaso berdinak dituzte.
Bizi-forma batek guztiz desberdina den beste batera eboluzionatu dezake. Aldaketa hauek, batzuetan, makroeboluzio bezala ezagutzen dira.
Jainkoa, nolabait, prozesu guzti hauen eragilea da.
Bat al datoz eboluzioa eta Biblia?
Eboluzio teistikoaren arabera, Bibliaren Hasierako sorkuntzaren pasartea ez da guztiz zehatza. Hala ere, Jesusek Hasierako pasartea benetan gertatu zela aipatu zuen (Hasiera 1:26, 27; 2:18-24; Mateo 19:4-6). Bibliaren arabera, Jesus lurrera etorri aurretik zeruan Jainkoarekin bizi zen. Gainera, Bibliak ere dio Jainkoari «gauza guztiak» sortzen lagundu ziola (Joan 1:3). Horregatik, Jainkoak bizi-forma desberdinak sortzeko eboluzioa erabili zuela ez dator bat Bibliak irakasten duenarekin.
Zer esan dezakegu landareek eta animaliek egokitzeko duten gaitasunari buruz?
Bibliak ez du azaltzen bizi-forma mota bakoitzaren barnean zenbat aldaketa gertatu daitezkeen. Jainkoak sortutako animaliek eta landareek birsortzean edo ingurugiro berrietara egokitzean aldaketak izan ditzaketela frogatuta dago. Eta Bibliak ez du aurkakorik esaten. Pertsona batzuek aldaketa hauek eboluzio mota bat bezala ikusi arren, ez da bizi-forma berririk sortzen.
a Bibliak erabiltzen duen «mota» hitzak zientzialariek erabiltzen duten «espezieak» baino esanahi zabalagoa du. Askotan, zientzialariek espezie berri baten eboluzioari buruz hitz egiten dutenean, mota berean gertatzen den aldaketaren bati buruz ari dira, besterik ez. Eta mota da Hasiera liburuko pasarteak erabiltzen duen hitza.
b Aldaketa hauek, batzuetan, mikroeboluzio bezala ezagutzen dira.
Zure gustukoa izan daiteke
BIBLIAKO IRAKASPEN GARRANTZITSUAK
Unibertsoa: ustekabean sortua?
Bibliak sorkuntzari buruz azaltzen duena, askotan, gaizki ulertzen da. Hare gehiago, mito bat dela pentsatzen dute askok. Sinetsi dezakegu Bibliak dioena?
OHIZKO GALDERAK
Kreazionistak al dira Jehobaren lekukoak?
Ba al zenekien kreazionisten ideia batzuk eta Bibliak irakasten duena kontrajarriak direla?
LIBURU ETA LIBURUXKAK
Bizia: ustekabean sortua?
Bizitzaren sorkuntzari buruz sinesten duzunak benetan axola du.
GURI BURUZ
Eskatu ezazu bisita bat
Bibliak galdera askori buruz dioena azter ezazu edo Jehobaren lekukooi buruz gehiago jakin ezazu.