Larrialdi handia gizadiak orain arte ezagutu duen garairik larriena izango da. Bibliako profezien arabera, «azken garai» edo «azken egunetan» gertatuko da (Daniel 12:4; 2 Timoteori 3:1). «Jainkoak sortutako kreazioaren hasieratik orain arte, ez da horrelako larrialdirik egon eta ez da inoiz gehiago egongo» (Markos 13:19; Daniel 12:1; Mateo 24:21, 22).

Zer gertatuko da larrialdi handian zehar?

•   Erlijio faltsuaren suntsipena. Erlijio faltsua ziztu bizian izango da suntsitua (Apokalipsia 17:1, 5; 18:9, 10, 21). Munduko gobernuek (Nazio Batuen Erakundeak, hain zuzen), hau egitean Jainkoaren nahia burutuko dute (Apokalipsia 17:3, 15-18). a

•   Benetako erlijioaren aurkako erasoa. Ezekielen ikuskarian aipatzen den «Magog herrialdeko Gog» nazioen koalizioa, benetako erlijioa praktikatzen dutenak suntsitzen saiatuko da. Baina Jainkoak, bera adoratzen dutenak babestuko ditu (Ezekiel 38:1, 2, 9-12, 18-23).

•   Lurrean bizi direnen epaiketa. Jesusek guztiak epaituko ditu eta «pertsona batzuk besteetatik bereiziko ditu, artzainak ardiak eta ahuntzak bereizten dituen bezala» (Mateo 25:31-33). Epaitzeko garaian, Jesus bere «anaia» bakoitzaren, hau da, berarekin zeruan aginduko dutenen alde edo kontra egindakoan oinarrituko da (Mateo 25:34-46).

•   Jesusekin batera Erreinuan aginduko dutenen elkartzea. Jesusekin batera aginduko duten zerbitzari leialek lurrean bizitza bukatuko dute, eta zeruan bizitzeko berpiztuak izango dira (Mateo 24:31; 1 Korintoarrei 15:50-53; 1 Tesalonikarrei 4:15-17).

•   Harmagedon. Biblian «Jainko ahalguztidunaren egun handiko borroka» horri, «Jaunaren eguna» ere deitzen zaio (Apokalipsia 16:14, 16; Isaias 13:9; 2 Pedro 3:12). Jesu Kristok kondenatu dituenak suntsituak izango dira (Sofonias 1:18; 2 Tesalonikarrei 1:6-10). Honetaz gain, mundu mailako sistema politikoa suntsituko da. Sistema honi, zazpi buruko piztia bezala irudikatzen zaio Biblian (Apokalipsia 19:19-21).

Zer gertatuko da larrialdi handia ondoren?

•   Satanas eta deabruak giltzapetuak izango dira. Aingeru boteretsu batek Satanas eta deabruak «leizera» botako ditu. Honek esan nahi du, hildakoen antzera, ezingo dutela ezer egin (Apokalipsia 20:1-3). Satanas kartzela batean bezala egongo da. Bertan egonda, ezingo du inorengan eraginik izan (Apokalipsia 20:7).

•   Mila urteen hasiera. Bedeinkapen asko ekarriko dituen Jainkoaren Erreinuak, mila urteko erregetzari hasiera emango dio (Apokalipsia 5:9, 10; 20:4, 6). «Larrialdi handitik» aterako den «gizatalde handi» eta kontaezin batek, mila urteen hasiera bizi ahal izango du (Apokalipsia 7:9, 14; 37. Salmoa 9-11, NWT).