Bibliaren arabera, espiritualtasuna Jainkoa pozteko eta bere pentsaera izateko benetako desioa da. Pertsona espirituala Jainkoaren printzipioak eta espiritu santuaren a gida jarraituz bizi da (Erromatarrei 8:5; Efesoarrei 5:1).

 Bibliak askotan kontrasteak erabiltzen ditu espiritualtasuna azaltzeko. Adibidez, pertsona espiritualak ez bezala, pertsona fisikoak ez ditu Jainkoaren irakaspenak onartzen (1 Korintoarrei 2:14-16, NWT). Gainera, giza grinen menpeko den jendeak inbidia eta eztabaidak izaten ditu, bakea eta eskuzabaltasuna erakutsi beharrean (1 Korintoarrei 3:1-3). Lagun minak banatuz liskarrak sortzen dituztenei «jende animaliak, Espiritua ez dutenak» edo espiritualtasuna ez dutenak deitzen zaie (Judas 19, Iesus Krist Gure Iaunaren Testamentu Berria, Joanes Leizarraga [Le], euskara batura egokituta; Esaera Zaharrak 16:28). b

Artikulu honetan honakoa ikusiko duzu:

•  Zein da espiritualtasunaren jatorria?

•  Zergatik da inportantea espiritualtasuna?

•  Nola garatu dezaket espiritualtasuna?

•  Nahikoa al da erlijio baten parte izatea pertsona espirituala izateko?

•  Espiritualtasunari buruzko ideia okerrak

•  Espiritualtasunari buruzko aipuak

 Espiritualtasuna garatzeko gaitasuna dugu Jainkoaren irudira eginak gaudelako (Hasiera 1:27). Horregatik ez da harritzekoa jende gehienak ikusi edo ukitu ezin daitezkeen gauzei buruz ikasi nahi izatea.

 Jaiotzen garenetik Jehobaren c antzeko ezaugarriak erakusteko gaitasuna dugu, adibidez, bakea, errukia eta inpartzialtasuna (Santiago 3:17). Gainera, bere legeak egiten saiatzen direnei Jainkoak bere espiritu santua ematen die (Eginak 5:32).

 Espiritualtasunak «bizitzara eta bakera» darama (Erromatarrei 8:6). Bizitza eta bakea Jainkoarengandik datozen opari apartak dira.

•   Bizitza: Jainkoak pertsona espiritualei betiko bizia promesten die (Joan 17:3; Galaziarrei 6:8).

•   Bakea: Pertsona espiritualak Jainkoarekin bakean daude. Behar fisikoez bakarrik arduratzen direnak, aldiz, Jainkoaren etsaiak dira (Erromatarrei 8:7). Are gehiago, Jainkoak espiritualtasuna garatzen dutenak saritzen ditu, «guk pentsa dezakeguna baino handiago den Jainkoaren bakea» emanez (Filipoarrei 4:6, 7). Barneko bake honek bizitzan zoriontsu izaten laguntzen die (Mateo 5:3, NWT).

•   Jainkoaren legeak ikasi eta obeditu. Hau Biblia irakurriz lortu dezakezu. Bertan «Espiritu Santuak gidaturiko» gizonek Jainkoaren pentsamenduak idatzi zituzten (2 Pedro 1:21). Biblian ikasiko duzunak Jainkoa «egiaren arabera eta Espirituak eraginda», hau da, espiritu santuaren gida jarraituz eta Jainkoaren nahiarekin bat biziz adoratzen lagunduko dizu (Joan 4:24).

•   Jainkoari otoitz egin laguntza eske (Lukas 11:13). Jainkoak pertsona espiritualaren izaera izaten lagunduko dizu (Galaziarrei 5:22, 23). Bizitzako erronkei aurre egiteko jakinduria ere eman ahal dizu (Santiago 1:5).

•   Pertsona espiritualekin elkartu. Pertsona espiritualek zure espiritualtasuna sendotzen lagunduko dizute (Erromatarrei 1:11, 12). Jainkoaren aurkako pentsaera duen jendearekin elkartzeak, aldiz, zure espiritualtasuna ahuldu dezake (Santiago 4:4).

 Erlijio baten parte izatea soilik ez da nahikoa pertsona espirituala izateko. Izan ere, Bibliak dio: «Norbaitek, bere burua erlijiozaletzat jotzen badu, baina mihiari eusten ez badaki, bere burua engainatzen du, eta horren erlijioak ez du ezertarako balio» (Santiago 1:26).

 Bibliak erakusten du pertsona espiritualek Jainkoak berak onartzen duen moduan adoratzen dutela. Espiritu bakarra dagoela aitortzen dute: Jainkoaren espiritu santua. Espiritu honek Jainkoa gorputz bakar bat bezala adoratzera bultzatzen ditu. Honela, talde antolatu honek «Espirituak ematen duen batasunari eusten» dio elkartzen dituen bakeaz (Efesoarrei 4:1-4).

 Ideia okerra: Izaki bizidun guztiek berezko espiritualtasuna dute.

 Ideia zuzena: Jainkoak sortutako guztiak bera goresten du (145. Salmoa 10; Erromatarrei 1:20). Baina adimena duten izakiek bakarrik garatu dezakete espiritualtasuna. Animaliek, aldiz, senaz jokatzen dute euren behar fisikoak asetzeko eta ez dute Jainkoaren lagun izateko ahalmenik (2 Pedro 2:12). Bibliak espiritualtasunaren eta animalien pentsaera eta jokaeren arteko kontrastea egiten du (Santiago 3:15, NWT; Judas 19, Le).