Hego Ameriketako Amazoniako basoan tribu, hizkuntza eta herri ezberdinetako jendea bizi da, hiriko bizimodu zaratatsutik urrun. 2017⁠ko uztailan 13 Jehobaren lekukoz osatutako talde bat Guyana Frantsesako Maroni ibaian gora eta bere ekialdeko ibaiadarretatik joateko bidaia hasi zuten. Zein zen haien helburua? Ibaian zehar bizi den jendeari Bibliako itxaropenezko mezua eramatea.

 12 eguneko bidaia hasi baino hilabete bat lehenago partaide guztiek bidaiaren prestaketa egiteko bilera bat egin zuten. «Tokiari eta bere historiari buruz ikasi genuen eta bidaiarako nola prestatu ere», gogoratzen du Winsley⁠-⁠k. Partaide bakoitzak edukiontzi hermetiko bat jaso zuen, bertan hamaka bat eta eltxoetatik babesteko sare bat eramateko. Bidaia osoa egiteko bi hegaldi hartu eta ordu askoz kanoak erabili behar izan zituzten.

 Nola sentitu ziren partaideak bidaiarako gonbidapena jaso zutenean? 65 urte inguru dituzten Claude eta Lisette⁠-⁠k berehala onartu zuten gonbidapena. «Oso pozik nengoen, baina pixka bat beldurtuta ere», esaten du Claude⁠-⁠k. «Ur⁠-⁠laster arriskutsuei buruz asko entzun nuen». Lisette⁠-⁠k, ordea, beste kezka bat zuen: «Amerindiar hizkuntzak hitz egiteko gai izango ote nintzen galdetzen nion neure buruari».

 Mickaël izeneko partaide bat antzera sentitu zen. «Ez genekien asko Wayana tribuari buruz», dio Mickaël⁠-⁠ek, «beraz, interneten ikerketa pixka bat egin nuen hitz batzuk ikasteko eta jendea bere hizkuntzaz agurtzeko».

 Shirley⁠-⁠k bere senarra den Johann⁠-⁠ekin bidaiatu eta ibaian zehar hitz egiten diren hizkuntzen zerrenda bat egin zuen. Honakoa dio: «Hizkuntza gehienetan bideoak jaitsi genituen jw.org webgunetik eta wayana hizkuntzaren oinarrizko esaldien liburu bat lortu genuen».

 Uztailaren 4⁠an, asteartean, taldeak Saint⁠-⁠Laurent du Maroni⁠-⁠n hartu zuen hegazkina eta Guyana Frantsesaren barnealdeko Maripasoula herri txikira bidaiatu zuen.

 Hurrengo lau egunetan zehar, motorrak zituzten kanoetan bidaiatuz, taldeak Maroni⁠-⁠ren ibaiadarretan zehar predikatu zien bertako herri txikietako biztanleei. «Amerindiarrek interes handia azaldu zuten Bibliako gaietan», dio Roland izeneko taldeko kide batek. «Galdera asko zituzten eta batzuek Biblia ikasi nahi zuten gurekin».

 Herri txiki batean Johann eta Shirley⁠-⁠k bikote gazte bat topatu zuten. Duela gutxi, bikote honen senide batek bere buruaz beste egin zuen. JW Broadcasting⁠-⁠eko «Un indio americano encuentra a su Creador edo Un Amérindien trouve son Créateur bideoa erakutsi genien», dio Johann⁠-⁠ek. «Bikote gaztea asko hunkitu zen bideoarekin. Beraien korreo elektronikoa eman ziguten, gurekin harremanetan jarraitu nahi zutelako».

 Ibaian gora bisitaturiko herri urrunena Antécume Pata izan zen. Bertan, herriko buruzagiak gune publiko batean hamakak lotzen utzi zien nekaturik zeuden Lekukoei. Gainera, ibaian garbitu ziren, herritarren antzera.

 Handik Twenké herrira joan zen taldea kanoetan eta bertan maite zuten norbaiten heriotzagatik negarrez zeuden biztanleekin egin zuten topo. «Tribuaren buruzagiak, Gizon Handia deiturikoak, herrian zehar lasai ibiltzeko baimena eman zigun nahigabeturik zeudenak lasaitzeko», dio Éric izeneko bidaiaren antolatzaileetako batek. «Buruzagiak eta honen familiak asko eskertu zuten wayana hizkuntzaz dugun Bibliako aipuak irakurtzea. Bibliak berpizkundeari buruz ematen duen promesa erakusten duten bideoak ere erakutsi genizkien».

 Bidaiaren hurrengo zatia ordu erdiko hegaldia egitea izan zen, ibaian behera Maripasoulatik Grand⁠-⁠Santiko herri txikira. Astearte eta asteazkenean zehar, bidaiariek Biblia irakatsi zioten bertako jendeari. Ostegunean, Lekukoek beste bidai bat egin zuten: Maroni ibaian behera bost ordu eta erdiko bidaia Apatou izeneko herrira iritsi arte.

 Hurrengo egunetan, taldeak Maroons⁠-⁠ak bizi diren basoko herriak bisitatu zituzten. Maroons⁠-⁠ak Surinam kolonizatu zen garaian Afrikatik Hego Ameriketara eraman zituzten esklaboen ondorengoak dira. Lekukoek edonori luzatu zioten bilerara joateko gonbidapena. Bilera egin ahal izateko, basoan denda handi bat prestatu zuten. «Gure bihotzak poztasunez bete ziren hainbeste lagun etorri zirela ikustean», dio Claude⁠-⁠k. «Goiz hartan gonbidatu genituen!» Karsten⁠-⁠ek, zonaldeko barnealdera bidaiatzen zuen lehenengo aldia zelarik, bizitzaren helburuari buruzko hitzaldia eman zuen aukaneraz. Hainbat herriko 91 lagun joan ziren bilerara.

 Amaieran, bidaiariak Saint⁠-⁠Laurent du Maroni⁠-⁠ra itzuli ziren. Guztiak harrituta zeuden bertako jendearen erantzun onarengatik, Jehobaren lekukoek argitaratutako argitalpen mordoa onartu eta dozenaka bideo ikusi zituztelako.

 «Ezin dut hitzekin deskribatu zer zoriontsu naizen bidai hau egiteagatik» aipatzen du Lisette⁠-⁠k. Cindy⁠-⁠k onartzen du: «Berriro egitea posible banu, joateko aukera edukitzea erregutuko nuke. Poztasun hau bizi behar duzu ulertu ahal izateko!»

 Bidaiak itzultzeko gogoa piztu zien bidaiari batzuei. «Berriro egiteko prest gaude!» dio Mickaël⁠-⁠ek. Winsley Saint⁠-⁠Laurent du Maroni⁠-⁠ra bizitzera joan da eta Claude eta Lisette, 65 bat urteekin, Apatou⁠-⁠ra.