Irailetik aurrera, Kristauon zerbitzu eta bizimodua lan-koadernoak aurkezpen eredu berri bat edukiko du. Honen izenburua «Egia irakatsi» izango da. Gure helburua bibliako oinarrizko egia bat azpimarratzea izango da, horretarako galdera eta biblia-bertset bat erabiliz.

Interesa ikusten badugu, hurrengo bisitarako oinarria landu dezakegu, argitalpen bat utziz edo jw.org-ko bideoren bat erakutsiz. Egun pare baten ondoren itzultzen saiatu beharko ginateke izandako elkarrizketarekin jarraitzeko. Aurkezpen berri hauek, baita «Hobetu predikatze-lanean» ataleko ikasleen aurkezpenak ere, Zer da Bibliak benetan irakasten duena? liburuaren kapitulu bakoitzeko amaierako laburpen taulan oinarrituko dira. Bertan, bisitak egiteko edo biblia soilik erabiliz ikastaroak egiteko lagungarriak izango diren galdera eta biblia-bertset gehiago aurkituko ditugu.

Bizirako bide bakarra dago (Mt 7:13, 14). Erlijio eta jatorri desberdinetako jendeari hitz egiten diogunez, erakargarriak izango zaizkien Bibliako egiak nabarmendu behar dizkiegu (1 Tm 2:4). Bibliako gaiak hobeto ezagutzen ditugun heinean eta «egiaren mezua zuzen» irakasteko ditugun gaitasunak hobetu ahala, gure poztasuna handituko da eta arrakasta ere izango dugu besteei egia irakastean (2 Tm 2:15).