KRISTAUON BIZIMODUA
Gurasook, eskaini zuen seme-alabei arrakasta izateko aukerarik onena
Jehobari begirunea dioten gurasoek asko atsegin dute beraien haurrak Jainkoaren zerbitzari leial bihurtzen ikustea. Hau lortzeko, gurasoek haurtzarotik bihotzean biblia-irakaspenak barneratzen lagundu behar diete seme-alabei (Dt 6:7; Es 22:6). Honek, noski, sakrifizioak egitea eskatuko du. Baina sariak merezi du ahalegina (3 Jn 4).
Gurasoek asko ikasi dezakete Jose eta Mariaren eredutik. «Jerusalemera joan ohi ziren urtero erromes Pazko-jaietan», nahiz eta hau egiteak ahalegin eta gastu handiak zekartzan (Lk 2:41). Dirudienez, familiaren behar espiritualari ematen zioten lehentasuna. Era berean, gurasoek gaur egun ere, seme-alabak bide zuzenera gidatu ditzakete aukera duten guztietan irakatsiz, bai hitzez, baita ekintzaz ere (Sal 127:3-5).
IKUSI AUKERA GUZTIAK ERABILI ZITUZTEN BIDEOA ETA, ONDOREN, ERANTZUN HURRENGO GALDERAK:
-
Nola eman zioten Jehobaren zerbitzuari lehentasuna Jon eta Sharon Schiller-ek familia hezten zuten bitartean?
-
Zergatik moldatu behar dute gurasoek irakaspena, gida eta zuzenketa haur bakoitzaren beharretara?
-
Nola prestatu ditzakete gurasoek seme-alabak fedea probapean ipintzen duten egoerei aurre egiteko?
-
Jehobaren erakundeak emandako zer tresna erabili duzu zure seme-alabei Jehobaren lagunak izaten laguntzeko?