Paulo apostoluak Titori gutun inspiratu bat idatzi zion. Mutil gazteek, Tito barne, gauza guztietan «egintza onen eredu» agertzeko ahal zuten guztia egin behar zutela esan zuen (Tt 2:6, 7). Kapitulu berean, Jesusek Jehobaren herria garbitu zuela adierazi zuen Paulok. Hortaz, Jehobaren zerbitzariak «beti ongi egiteko gogotsu» daude (Tt 2:14). Ekintza on hauetako bat, Jainkoaren Erreinuari buruzko berri onak zabaltzea eta irakastea da. Gaztea bazara, zure indarra erabili al dezakezu epe bateko aitzindari edo aitzindari izateko? (Es 20:29).

Aitzindari izan nahi baduzu, zure bizitzaren antolakuntza errealista egin behar duzu (Lk 14:28-30). Adibidez, nola ordaindu ahal izango dituzu zure gastuak denbora osoko zerbitzuan zaudela? Nola iritsiko zara aitzindari izateko eskatzen den ordu kopurura? Jehobari laguntza eska iezaiozu otoitz eginez (Sal 37:5). Hitz egin ezazu zure gurasoekin, baita aitzindaritzan ondo joan zaienekin ere. Ondoren, zure helburua betetzeko pausoak eman. Inongo dudarik gabe, Jehobak bere zerbitzuan gogotsu egiten dituzun ahaleginak bedeinkatuko ditu!

IKUSI JEHOBA OHORATZEN DUTEN GAZTEAK ETA, GERO, ERANTZUN ONDORENGO GALDERAK:

• Zer zailtasunei egin behar izan diete aurre batzuek aitzindari izateko eta nola gainditu dituzte?

• Zer egin dezakete gurasoek seme⁠-⁠alabei aitzindari izaten laguntzeko?

• Zergatik da garrantzitsua predikatzeko ordutegi bat izatea?

• Zer egin dezakete kongregazioko anai⁠-⁠arrebek aitzindariak animatu eta laguntzeko?

• Zeintzuk dira aitzindari izatearen bedeinkapenak?