Lore koloretsu bat, izarrez beteriko zerua edo sekulako urjauzia ikustean, ohartzen al zara Sortzailearen eskua dagoela atzean? Gure inguruko sorkuntzak Jainkoaren ezaugarri ikusezinak erakusten dizkigu (Erm 1:20). Gure begiekin ikusten ditugun gauzetan hausnartzen dugunean, Jainkoaren ahalmena, maitasuna, jakinduria eta justizia ikusi ditzakegu, baita bere eskuzabaltasuna ere (Sal 104:24).

Zeintzuk dira egunero ikusi ditzakezun Jehobaren sorkuntza batzuk? Hiri batean bizi arren, txoriak edo zuhaitzak ikusi ditzakezu. Jehobaren sorkuntza adi-adi ikusteak lasaiago egoten, arazoei dagokien garrantzia ematen eta Jehobak betirako gu zaintzeko duen gaitasunean fedea sendotzen lagundu gaitzake (Mt 6:25-32). Seme-alabak badituzu, lagundu iezaiezu Jehobak dituen ezaugarri paregabeak ikusten. Sorkuntzari diogun estimua handitzen dugun heinean, Sortzailearengana gehiago gerturatuko gara (Sal 8:4, 5 [8:3, 4, NW]).

IKUSI SORKUNTZA MIRESGARRIAK JAINKOAREN AINTZA ADIERAZTEN DU: ARGIA ETA KOLOREAK BIDEOA ETA, GERO, ERANTZUN ONDORENGO GALDERAK:

• Nola laguntzen digute pigmentuek koloreak ikusten?

• Zerk sortzen du irideszentzia?

• Zergatik ikusten ditugu kolore ezberdinak zeruan?

• Zeintzuk dira zure etxe inguruko sorkuntzan ikusi dituzun kolore deigarri batzuk?

• Zergatik hartu beharko genuke denbora natura adi-adi ikusteko?