Zeintzuk dira zure eguneroko zailtasunak? Ardura asko dituen familiaburua al zara? Hilabete amaierara iristen saiatzen den guraso bakarra al zara? Eskolan bullying-a jasaten ari den gazte bat al zara? Osasun-arazoei edota adinaren ondorioei aurre egiten ari al zara? Guztiok ditugu arazoak. Anai-arreba askok arazo askori aurre egiten diete une berean. Hala ere, badakigu laster proba hauetatik aske izango garela (2 Ko 4:16-18).

Bitartean, ondorengoa jakitea oso kontsolagarria da: Jehobak geure borrokak ulertzen ditu, gure leialtasuna eta irauteko gaitasuna estimatzen ditu eta bedeinkapen handiak prestatuta dauzka guretzat (Jr 29:11, 12). Jesusek ere gutako bakoitzarengan interesa erakusten du. Gure eginkizun kristauak betetzen ditugunean, Jesusek esandakoaz ziur egon gaitezke: «Zeuekin izango nauzue» (Mt 28:20). Jainkoaren Erreinuak emango digun askatasunean hausnartzen dugunean, gure esperantza indartu egiten da. Gainera, probei aurre egiteko hartu dugun erabakia sendotu egiten da (Erm 8:19-21).

IKUSI EKAITZA GERTURATZEAN, MANTENDU DEZAGUN ARRETA JESUSENGAN: JAINKOAREN ERREINUKO BEDEINKAPENAK BIDEOA ETA GALDETU:

• Nola urrundu zen gizakia Jehobarengandik eta zein izan zen ondorioa?

• Zer etorkizun izango dute Jehobari leialak direnek?

• Nola izango da posible etorkizun zoragarri hau?

• Mundu berriko zer bedeinkapen espero dituzu gogo handiz?