Irailean zehar Gozatu bizitzaz betirako! liburuxka erabiliz, ahal dugun guztiei biblia-ikastaro bat eskainiko diegu. Aitzindari laguntzaile izatea erabakitzen duten berri-emaileek, 30 edo 50 ordukoa egin ahal izango dute. Nola egingo dugu kanpaina berezi hau?

• Lehen kontaktua: Erabili liburuxkaren azken orria interesa pizteko eta biblia-ikastaroa nolakoa den erakusteko. Ez ahaztu aurretik interesa erakutsi dutenak, hauen barne, bisitak. Lehenago biblia-ikastaroa onartu ez dutenek agian orain metodo berria eta liburuxka gustukoak dituzte. Ez dugu liburuxkarik utziko inor ez dagoen etxeetan eta ez dugu gutunetan bidaliko aurretik interesik erakutsi ez dutenei. Kongregazioko predikatze-batzordeak hilabete honetan zehar predikatzeko bilera gehiago antolatu ditzake.

• Beste aukera batzuk: Gure kongregazioak erakusgailuak erabiltzen baditu, hauetan Gozatu bizitzaz betirako! liburuxkak jarriko dira. Liburuxkan interesa erakutsi dutenei, doako biblia-ikastaroari buruz hitz egingo diegu. Labur-labur biblia-ikastaroak nolakoak diren azaldu ahal diegu edo beste egun baterako geratu gaitezke. Predikatze-arduradunak berri-emaile abilak aukeratu ditzake negozioetan predikatzeko eta biblia-ikastaroak eskaintzeko. Gainera, lankideei eta modu informalean predikatzen diegunei biblia-ikastaro bat eskaini ahal diegu.

Jesusek ikasleak egiteko agindu zigun, hauei «irakatsiz» (Mt 28:19, 20). Kanpaina honek lagundu gaitzala helburu hau betetzen Gozatu bizitzaz betirako! erabiliz.