1.  Errukitsu eta ona

gure Jainko maitekorra.

Behar dugun guztietan

hartzen gaitu besoetan.

Damutzen denari guztiz

barkatzen dio errukiz.

Badaki hautsa garela,

akats egiten dugula.

2. Bekatu eta erruak

sortzen ditu bihotz minak.

Nola jokatu behar den

Jesusek azaldu zuen,

Jainkoari eskatzeko

gure zorrak barkatzeko,

‘ta guk besteei bihotzez

barkatzeko, esker onez.

3. Opariak egitean,

beste bati laguntzean,

egin beti isilpean,

turuta jo beharrean.

Sarituko ditu Aitak,

bai, gure ekintza onak.

Jehobarentzat ederrak

errukitsuak direnak!