1. Eskertzen dizut, Jehoba,

egin duzun dena,

zure eskuen sormena,

hunkitzen nauena.

Unibertso hain zabala,

zeru-lur, bizia…

Den-dena zuk sortu duzunez,

jaso aintza guztia.

2. Bataiatzean, Jesusek,

otoitz egin zuen:

«Zure nahia bete nahi dut,

entzun Aita, arren».

Jesus gantzutu zenuen

onartuz eskaintza.

«Obedituko dizut beti»,

eman zuen hark hitza.

3. Zure aurrera nator gaur

zu ohoratzeko,

nire bizia bihotzez

zuri eskaintzeko.

Semea eman zenuen

ni neu salbatzeko.

Zuretzat biziko naiz, Aita,

orain eta betiko.