ERNE SEGI!
2022: Antsietatearen eta nahasmenaren urtea | Zer dio Bibliak?
2022an zehar, etengabe entzun ditugu gerra, arazo ekonomiko eta hondamendi naturalei buruzko berriak. Bibliak bakarrik azaltzen du gertaera hauek duten benetako esanahia.
2022ko gertaeren benetako esanahia
Azken urteko gertakariek are argiago uzten dute Bibliak deskribatzen dituen «azken egunetan» bizi garela (2 Timoteori 3:1). Garai hau 1914. urtean hasi zen. Ikus ezazu azken gertakariek nola egiten duten bat Bibliak gure garairako aurresan zuenarekin:
Gerrak (Mateo 24:6).
«2022a Europara gerraren ikara itzuli zuen urtea izan zen». a
Goseteak (Mateo 24:7).
«2022: Gosete izugarrien urtea». b
Ikusi «Ukrainako gerrak mundu mailako elikagai krisia areagotu du» artikulua.
Izurriteak (Lukas 21:11).
«Polioa berpiztu da, eta tximino-baztangak eta COVID-19ak kalte handiak egiten jarraitzen dute. Egoera honek argi utzi du zein arriskutsuak diren gaixotasun kutsakorrak eta zein ahulak garen gizakiok». c
Ikusi «6 milioi lagun hil dira COVIDaren ondorioz» artikulua.
Gauza ikaragarriak (Lukas 21:11).
«Bero boladak, lehorteak, suteak eta uholdeak. 2022ko uda muturreko fenomeno metereologiko ugarirengatik gogoratua izango da. Gertakari hauek suntsipena, milaka eta milaka lagunen heriotza eta milioika pertsonek euren etxeak galtzea eragin dute». d
Ikusi «Beroak tenperatura errekorrak hautsi ditu munduan zehar» artikulua.
Iraultza-hotsak (Lukas 21:9).
«2022an arazo ekonomikoak zirela eta, bereziki inflazioarengatik, hiritarren haserrea areagotu egin zen. Ondorioz, gobernuen aurkako protesta izugarriak egon ziren». e
Zer ekarriko digu hurrengo urteak?
Inork ezin du zehaztasun osoz jakin zer gertatuko den 2023an. Baina ziur dakiguna honakoa da: Jainkoaren Erreinuak, edo zeruko gobernuak, laster lurrean aldaketa handiak ekarriko dituela (Daniel 2:44). Gobernu honek giza sufrimenduaren iturria kendu eta Jainkoaren nahia lurrean betetzen dela ziurtatuko du (Mateo 6:9, 10).
Jesu Kristoren aholkua jarraitzera animatzen zaitugu: Erne segi munduko gertakariek Biblia profeziak nola betetzen ari diren ikusten (Markos 13:37). Bibliak orain lagundu zaitzake, eta zuri eta zure familiari etorkizunerako benetako esperantza eman ahal dizue. Honi buruz gehiago jakin nahi baduzu, jarri gurekin harremanetan.
a AP News, «2022 Was Year the Horror of War Returned to Europe», Jill Lawless, 2022ko abenduak 8.
b Elikagaien Mundu Programa, «A Global Food Crises».
c JAMA Health Forum, «Living in an Age of Pandemics—From COVID-19 to Monkeypox, Polio, and Disease X», Lawrence O. Gostin, JD, 2022ko irailak 22.
d Earth.Org, «What’s Behind the Record-Breaking Extreme Weather Events of Summer 2022?», Martina Igini, 2022ko urriak 24.
e Carnegie Endowment for International Peace, «Economic Anger Dominated Global Protests in 2022», Thomas Carothers eta Benjamin Feldman, 2022ko abenduak 8.