Urtero milioika pertsona hainbat substantzia zuzenean edo zeharka erabiltzearen ondorioz hiltzen dira, besteak beste, drogen gehiegizko erabileragatik. COVID-19 pandemian zehar, arazo hau areagotu besterik ez da egin. Bibliaren jakinduriak jende askori droga menpekotasuna gainditzen lagundu dio. Arazo honekin borrokan bazabiltza, jakinduria honek lagundu zaitzake. a

Artikulu honetan honakoa ikusiko duzu:

•  Zergatik jo dezakezu Bibliara laguntza bila menpekotasuna gainditzeko?

•  Menpekotasuna gainditzeko Biblian oinarritutako lau urrats

•  Menpekotasuna gainditzen lagundu ahal dizuten biblia-aipuak

•  Bibliaren laguntzarekin menpekotasuna gainditu zutenen bizipen gehiago

•  Debekatzen al du Bibliak menpekotasuna gainditzeko tratamendu medikoa jasotzea?

•  Debekatzen al du Bibliak drogen erabilera sendagai moduan?

 Ikertzaileen arabera, menpekotasun mota hau, askotan, oso errotuta dauden beste gaiekin lotuta dago, esaterako, bakardadea, estresa, antsietatea eta depresioarekin. Menpekotasunean erortzera bultzatu gaitzaketen sentimenduei aurre egiteko, Bibliak gure fedea indartzen laguntzen digu. Gainera, Jainkoarekin adiskidetasun estua izaten ere laguntzen digu (25. Salmoa 14). Laguntza honi esker, gure kabuz konpontzea ezinezkoa diruditen arazoak gainditu ditzakegu (Markos 11:22-24).

1.  1) Jainkoa, Jehoba b, ezagutu (Joan 17:3). Bera Sortzailea eta botere amaigabearen Iturria da. Are gehiago, zure zeruko Aita maitekorra da. Zurekin adiskidetasun estua izan nahi du eta, gainera, bere boterea zure alde erabili nahi du (Isaias 40:29-31; Santiago 4:8). Horrez gain, etorkizun zoragarria promesten dizu bere maitasunarengandik jaso ditzakezun onurak aprobetxatzen badituzu (Jeremias 29:11; Joan 3:16).

2.  2) Jehobari laguntza eskatu. Jainkoari otoitzean eskatu menpekotasuna gainditzeko laguntza. Era horretara, «santu [edo garbi] eta Jainkoarentzat atsegingarri» izango zara (Erromatarrei 12:1). Bere espiritu santua, edo indar eraginkorraren bidez, behar duzun «honenbesteko indarra» emango dizu (2 Korintoarrei 4:7; Lukas 11:13). Bere indarraren laguntzarekin, drogez abusatzeari utzi ahalko diozu eta Jainkoaren nahiarekin bat datorren izaera berria garatu ahal izango duzu (Kolosarrei 3:9, 10).

3.  3) Izan gogoan Jainkoaren pentsamenduak (Isaias 55:9, NWT). Berak zure «pentsaera berritzen», hau da, pentsatzeko modua aldatzen lagunduko dizu eta, horrela, menpekotasuna gainditu ahal izango duzu (Efesoarrei 4:23, NWT). Jainkoak pentsatzen duena Biblian dagoenez, ezinbestekoa da hau irakurtzeko ohitura izatea (1. Salmoa 1-3). Askok Bibliak irakasten duena ulertzeko laguntza jasotzean, probetxu atera diote ikasitakoari (Eginak 8:30, 31). Jehobaren lekukoek doako biblia-ikastaro interaktiboa eskaintzen dute. Gure bileretara joatera ere gonbidatzen zaitugu. Bertan, Bibliak dioena aztertzen dugu eta bere irakaspenak gure eguneroko bizitzan praktikan nola jarri ditzakegun ikasten dugu.

4.  4) Lagun onak aukeratu. Menpekotasunari aurre egiterako orduan, zure lagunek eragin handia izan dezakete zugan, bai onerako, bai txarrerako (Esaera Zaharrak 13:20). Jainkoa adoratzen dutenen artean lagun onak aurkitu ditzakezu. Izan ere, Jainkoak zuk lagun onak izan ditzazun nahi du, zugan eragin ona izatea nahi duelako (119. Salmoa 63; Erromatarrei 1:12). Ondo aukeratu zure entretenimendua, ikusi, entzun edo irakurtzen dituzun pertsonaiekin denbora pasatzen ari zarelako. Bestalde, ondo dagoena egiten zailduko zaituen edozer gauza saihestu (101. Salmoa 3; Amos 5:14).

 Filipoarrei 4:13, Biblia, José Antonio Uriarte, euskara batura egokituta: «Sendotzen nauen harengan guztia dezaket».

 «Banekien nire kabuz drogak hartzeari uzteko indarrik ez nuela. Horregatik, Jainkoari otoitz egin nion laguntza eske. Berak eman zidan behar nuen indarra» (Patrizia, Italia).

 Joseph Ehrenbogen biolentziaz inguratuta hazi zen eta alkohola, tabakoa, marihuana eta heroinaren menpeko bihurtu zen. Behin baino gehiagotan, gaindosia zela eta, hilzorian egon zen. Biblia-pasarte zehatz batek aldatzeko gai izango zela konbentzitu zuen. Bere bizipena «Aprendí a respetar a las mujeres y a respetar mi vida» edo «J’ai appris à respecter les femmes et à me respecter» artikuluan irakurri dezakezu.

 Dmitry Korshunov-ek alkoholari menpekotasuna gainditzeko borrokan hainbat berrerortze izan zituen. Hau nola gainditu zuen jakiteko, ikusi «Nire bizimoduaz nazkatuta nengoen» bideoa.

 Ez. Bibliak honakoa dio: «Jesusek entzun eta esan zien: –Ez dute osasundunek behar sendagilea, gaixoek baizik» (Mateo 9:12). Era berean, Estatu Batuetako Droga Abusuei Buruzko Institutu Nazionalak dio: «Droga menpekotasuna gaixotasun konplexua da, eta hau uzteko, intentzio ona edo gainditzeko nahia izatea baino gehiago behar da». Noski, Jainkoak eskaintzen digun laguntza norberak izan dezakeen autokontrola edo determinazioa baino handiagoa da. Hala ere, Bibliaren aholkuak jarraituz, substantzien menpekotasuna gainditu duten askok tratamendu medikoen laguntza ere behar izan dute. c Allen izeneko gizon batek honakoa gogoratzen du: «Alkohola uzten ari nintzenean, min fisiko handia sentitu nuen. Orduan, laguntza espirituala jasotzeaz gain, tratamendu medikoa ere behar nuela konturatu nintzen».

 Ez. Izan ere, gaixotasunen tratamendurako edo hilzorian norbaiten mina baretzeko alkohola erabiltzen zela dio Bibliak (Esaera Zaharrak 31:6; 1 Timoteori 5:23). Hala ere, alkoholarekin gertatzen den bezala, mina baretzeko erabiltzen diren medikamentuek menpekotasun handia eragin dezakete. Beraz, errezetatutako analgesikoak kontu handiz erabiltzea komeni da eta hauen arriskuak ezagutzea (Esaera Zaharrak 22:3).