2024. urtean hauteskundeen kopurua inoiz baino handiagoa izango da mundu osoan zehar. Hala ere, jende asko politikoengan konfiantza galtzen ari da.

•   Galdeketa batean parte hartu zuten amerikar gehienen arabera, «ia politikari guztien motibazioa berekoikeria da», eta ez besteei zerbitzatzeko desioa a (Pew Research Center [Pew ikergunea], 2023​ko irailak 19).

 Gazte askok ere ez dute politikariengan konfiantzarik.

•   «Nerabeek arreta jartzen dute gaur egungo arazoetan, baina inkestetan esaten dute politikariek ez dituztela arazoak konpontzeko ahaleginak egiten» (The New York Times, 2024​ko urtarrilak 29).

•   «Inkesta baten arabera, gazteek konfiantza handiagoa dute youtuber-engan politikariengan baino» (The Korea Times, 2024​ko urtarrilak 22).

 Lortuko al dute politikariek etorkizun hobeago bat? Norengan izan dezakegu konfiantza?

 Garrantzitsua da konfiantza norengan dugun aztertzea. Honakoa dio Bibliak: «Esaten den guztia sinesten du heldugabeak, nondik ibiliko aztertzen zentzudunak» (Esaera Zaharrak 14:15).

•   Jasotzen dugun informazioa aztertzeko aholku lagungarriak nahi izanez gero, irakurri «Babestu zaitez informazio faltsutik» artikulua.

 Intentzio oneko eta onestoak diren politikariek ere, ezin dute nahi luketen guztia egin. Horregatik, Bibliak hurrengoa ohartarazten du:

•   «Ez izan konfiantzarik handikiengan, salbatzeko gauza ez diren gizakiengan» (146. Salmoa 3).

 Bibliak dio Jainkoak gaitasun handiena duen eta fidagarriena den buruzagia izendatu duela: Jesu Kristo (Lukas 1:32, 33). Jesus Jainkoaren Erreinuko Erregea da. Erreinu hau, zerutik agintzen duen gobernu bat da (Mateo 6:10).

•   Jesusengan konfiantza zergatik izan dezakegun eta gure arazoak nola konponduko dituen jakiteko, irakurri «Nor da Jainkoaren Erreinuko Erregea?» eta «Zer lortuko du Jainkoaren Erreinuak?» artikuluak.