2022ko otsailaren 24an, Errusiak inbasio militarra hasi zuen Ukrainan. Ondorioz, zibilak gatazka honetatik ihes egiten ari dira krisi humanitario larria sortuz. a

 «Bonbak eta leherketak izan ziren. Zaila da hitzekin deskribatzea sentitutako beldurra. Trenez irteteko aukera genuela jakin genuenean, alde egitea erabaki genuen. Pertsona bakoitzak bere bizitza osoa motxila txiki batean sartu behar zuen. Agiriak, medizinak, ura eta jateko zerbait bakarrik eraman ahal genuen. Gainontzeko guztia utzi genuen eta tren geltokira joan ginen bonbak erortzen ziren bitartean» (Nataliia, Kharkiv, Ukraina).

 «Azkeneko momentura arte gerrarik egongo ez zela pentsatu genuen. Leherketak entzun nituen hiriko toki batzuetatik eta leihoak dardarka hasi ziren. Alde egitea erabaki nuen, beharrezko gauzak bakarrik hartuz. Goizeko 8:00-etan etxetik irten nintzen eta Lviv-era doan trena hartu nuen, bertatik Poloniara autobusez joateko» (Nadija, Kharkiv, Ukraina).

Artikulu honetan honakoa ikusiko duzu:

•  Zeintzuk dira errefuxiatuen krisiaren benetako eragileak?

•  Non aurkitu dezakete esperantza errefuxiatuek?

•  Lagundu ahal die Bibliak errefuxiatuei gaur egun?

 Zeintzuk dira errefuxiatuen krisiaren benetako eragileak?

 Ukrainako errefuxiatuen krisia Errusiako inbasio militarrarekin hasi da. Hala ere, Bibliak hau bezalako errefuxiatuen krisien eragileak zeintzuk diren azaltzen du sakonki:

•   Giza gobernuak, munduan zehar, ez dira gai izan euren hiritarren beharrak asetzeko. Boterea dutenek, askotan, euren autoritatea erabiltzen dute besteak zapaltzeko (Kohelet 4:1; 8:9).

•   Satanas Deabruak, «mundu honetako buruzagia[k]», eragin txarra du gizadiarengan. Ondorioz, «mundu osoa gaiztoaren esku dagoela» dio Bibliak (Joan 14:30; 1 Joan 5:19).

•   Gizadiak mendeetan zehar jasan behar izan dituen arazoez gain, orain garai berezi batean bizi garela aurresan zuen Bibliak: «Jakin behar duzu azken egunetan une latzak izango direla» (2 Timoteori 3:1). Are gehiago, egun horietan gerrak, hondamendi naturalak, goseteak eta izurriteak izango ziren. Gertakari hauen ondorioz, jendeak ihes egiten du (Lukas 21:10,11).

 Non aurkitu dezakete esperantza errefuxiatuek?

 Bibliaren arabera, Jehobak b , gure Sortzaileak, errefuxiatuei eta euren etxeetatik alde egin behar izan dutenei maitasuna eta errukia erakusten die (Deuteronomioa 10:18). Jainkoaren Erreinua deituriko bere zeruko gobernuaren bidez, errefuxiatuen arazoak konponduko dituela promestu du. Gobernu honek, giza gobernuak ordezkatuko ditu (Daniel 2:44, NWT; Mateo 6:10). Jehobak, bere gobernuaren bidez, Satanas Deabrua suntsituko du (Erromatarrei 16:20). Erreinu hau mundu-mailako gobernua izango da eta herrialdeetako mugek eragiten dituzten banaketak ezabatuko ditu. Gizadi osoa mundu-mailako familia batean elkarturik egongo da. Inork ez du berriz ere bere etxetik ihes egin behar izango, Bibliak honakoa promestu baitu: «Nor bere mahats-parrapean eseriko da, bere pikondopean, inoren beldurrik gabe. Honela agindu du Jaun ahalguztidunak» (Mikeas 4:4).

 Jainkoaren Erreinuak bakarrik konpondu dezake betirako gaur egun bizitzen ari garen errefuxiatuen krisialdia. Jehobak, bere Erreinuaren bidez, errefuxiatu bihurtzera behartuta izan direnen arazoak konponduko ditu. Ikus ditzagun adibide batzuk:

•   Gerrak. Jehobak «mundu osoan guduak geldiarazi» egingo ditu (46. Salmoa 10 [46:9, NWT]). Jainkoak gatazkak nola konponduko dituen jakiteko, irakurri «¿Cómo llegará a haber paz en la Tierra?» edo «La paix dans le monde : comment sera-t-elle établie ?» artikulua.

•   Zapalketa eta biolentzia. Jehobak «babestuko ditu gogorkeria eta bidegabekeriatik» (72. Salmoa 14). Jendeak errotuta dituen jarrerak nola aldatu ditzakeen jakiteko, irakurri «Rompamos el ciclo del odio» edo «Briser le cercle de la haine» artikulu-saila.

•   Pobrezia. Jehobak «libratuko du laguntza eske oihuka ari den behartsua» (72. Salmoa 12). Jainkoak pobrezia nola konponduko duen ikusteko, irakurri «Izango al dugu inoiz sistema ekonomiko justuren bat?» artikulua.

•   Goseteak. «Izan bedi gari ugari lurraldean» (72. Salmoa 16). Jainkoak goseteak nola ezabatuko dituen jakiteko, irakurri «¿Un mundo sin hambre?» edo «Plus jamais la faim dans le monde ?» artikulua.

 Lagundu ahal die Bibliak errefuxiatuei gaur egun?

 Bai. Etorkizunerako esperantza ziurra emateaz gain, Bibliak errefuxiatuek dituzten erronkei aurre egiten lagundu ahal die.

 Biblia-printzipioa: «Ez eduki ezeren kezkarik, baizik eta, gorabehera guztietan, agertu Jainkoari zeuen eskabideak, otoitz eta erregu eginez eta eskerrak emanez. Eta guk pentsa dezakeguna baino handiago den Jainkoaren bakeak zainduko ditu zuen gogo-bihotzak» (Filipoarrei 4:6,7).

 Esanahia: Edozein egoeraren aurrean, barne bakea eskatu Jainkoari. Irakurri «Filipenses 4:6, 7 | “No se inquieten por nada”» edo «Philippiens 4:6, 7 : “ Ne vous inquiétez de rien ”» artikulua.