JW LIBRARY
Jaitsi eta erabili argitalpenak (Android)
JW Libraryn internet gabe irakurri eta ikusi ditzakezun ehunka liburu, liburuxka, esku-orri eta bideo daude.
Jarraitu itzazu ondorengo argibideak argitalpenak jaitsi eta erabiltzeko:
Argitalpena jaitsi
Internetik gabe irakurri eta aztertu nahi dituzun argitalpen guztiak jaitsi ditzakezu.
Ireki nabigazio-menua eta ukitu Argitalpenak botoia argitalpenen zerrenda ikusteko.
Ukitu Hizkuntzak botoia argitalpenak eskuragarri dituzten hizkuntzen zerrenda ikusteko.Aukeratu ikusi nahi duzun hizkuntza. Gehien erabiltzen dituzun hizkuntzak zerrendaren hasieran aurkitzen dira. Zerrendan bilaketa hizkuntza idatziz ere egin dezakezu.
JW Libraryn argitalpenak bilatzeko hainbat era daude.
Argitalpen motak botoiak, bilatzen ari zaren hizkuntzan azaltzen ditu argitalpenak, mota ezberdinetan sailkatuta, esaterako, liburuak, esku-orriak eta bideoak. Hauetariko batzuetan sartuz gero, beste aukera batzuk agertzen dira, adibidez, La Atalaya urteka sailkatzen da edo bideoak sailetan. Ukitu Guztiak ikusi zerrendaren hasierara itzultzeko.
Ukitu Ikusi berriena botoia bilatzen ari zaren hizkuntzan duela gutxi argitaratutako argitalpenak ikusteko.
Oraindik deskargatu ez dituzun argitalpenak laino baten irudiarekin agertzen dira. Ukitu argitalpena gailura jaitsi dadin. Deskargatzen denean, lainoaren irudia desagertu egiten da. Irakurtzeko ukitu berriro argitalpena.
Jaitsitakoak botoiak edozein hizkuntzatan deskargatuak dituzun argitalpen guztiak azaltzen ditu. Zerrenda hau sailkatzeko hiru aukera dituzu: Erabilienak, Gutxien erabiliak edo Tamaina.
Argitalpena ezabatu
Argitalpenak kendu ditzakezu behar ez badituzu edo biltegiratze-lekua behar baduzu.
Ireki nabigazio-menua eta ukitu Argitalpenak botoia, ondoren, ukitu argitalpen mota (esaterako, Liburuak) argitalpenen zerrenda ikusteko. Kendu nahi duzun argitalpenean, Gehiago botoia ukitu eta, ondoren, ukitu Ezabatu.
Biltegiratze-lekua behar baduzu, gutxien erabiltzen dituzun edo tamaina handia duten argitalpenak kendu ditzakezu. Ireki nabigazio-menua eta ukitu Argitalpenak botoia. Joan zaitez Jaitsitakoak atalera eta sailkatu zerrenda Gutxien erabiliak edo Tamaina aukeren arabera.
Argitalpenen eguneratzea
Noizean behin, jaitsitako argitalpenentzako eguneratzeak egon daitezke eskuragarri.
Eguneratzeko zain dagoen argitalpenak eguneratze-irudi bat izango du. Argitalpena ukitzean, eguneratzea eskuragarri dagoela dioen mezu bat azalduko zaizu. Ukitu Jaitsi eguneratzeko edo Orain ez duzun bertsioa irakurtzen jarraitzeko.
Jaitsita duzun argitalpenen batek eguneratzea baduen jakiteko, ireki nabigazio-menua eta ukitu Argitalpenak atala. Eguneratzerik balego, Eguneratzeko zain atala agertuko da. Ukitu ezazu eguneratzeko dauden argitalpenak ikusteko. Ukitu argitalpena eguneratzeko edo Eguneratu denak botoia eskuragarri dauden eguneratze guztiak jaisteko.
Ezaugarri hauek 2015eko otsailean argitaratu ziren JW Library 1.4 bertsiokoak dira. Bertsio hau Android 2.3 edo geroagokoekin da bateragarria. Ezaugarri hauek ezin badituzu ikusi, Ezaugarri berrienak atalaren argibideak jarraitu itzazu «Hasi JW Library erabiltzen (Android)» artikuluan.
