“Asu té ma kut mebòng mama a si asu Tara, é nyò nda bot ése ya yob ai a si dza yoben.”​—Éfési 3:14, 15

Éye nda bot dzoé é ne nying a mintag ya?

• Yénésis 1:26-28

  Yéhova nnye nga tié é nda bot osu.

• Éfési 5:1, 2

  Mbol yi na nda bot é nying a mvòè été, mot ose ya bebò a yeane dzeng na a vu Yéhova ai Yésus.

“Mod ose ya be mina a yeane ding ngal woé . . . Ngal a bii édòk ésemé abe nnom.”​—Éfési 5:33

Akia afé nnom ban ngal ba yeane nongʼen é nyò ai é nyò mbòk?

• Éfési 5:22-29

  Nnom nnye a ne nlo ya nda bot. A yeane ding ngal, ai ngal a yeane suk mintsigen mi nnom.

• Kolosi 3:19; 1 Pétrus 3:4

  Ba yeane tòbo osesa, be wogen mintié bò bò.

• 1 Pétrus 3:1, 2, 7

  Nnom ban ngal ba yeane semen fufulu be vaan fe olugu bò bese.

• 1 Timotéus 5:8; Titus 2:4, 5

  Nnom a yeane dzala meyangʼen me nda bot dzié. Ngal ki a yeane nong ndzug ai nda dzié.

“Te mina songʼen ai benyò bòn na be lingʼen, ve mini nèège bò ai melebega ai ayegele ya be Nti.”​—Éfési 6:4

Mbege bebondé o ne mbé?

• Deutéronom 6:4-9; Minkana 22:6

  Wò yeane nong abog na o ve bòn boé ayegele Yéhova. A kèègè éyong be ngene mintegen. Ai fin ése, vòligi bò na be bò bemvoé be Yéhova.

• 1 Pétrus 5:8

  Yegele bòn boé na be tub é bot ba ndamen bòngo ai mam bisok ai bebé bemam bevòk.

• Yérémia 30:11; Hébréa 12:9-11

  Leb mòn woé seki ai olun ngeki ai nget.

“A bòn, wogen bebié bân.”​—Éfési 6:1

A bòn, amu dzé mina yeane wog bebié bân?

• Minkana 23:22-25; Kolosi 3:20

  Éyong o ne mewog, Yéhova ai bebondé boé be ne mintak ai wò.

• 1 Kòrinti 15:33

  Dzeng bemvoé ba ding Yéhova. Nala wa yi bò oveves na o bò é mam me ne mbeng.