18. Ye ma yeane ve énying dzam abe Zamba, me duben fe?
YE MA YEANE DUBEN?
“Yen sik mendim! Dzé ya kamen ai ma ne me be duben?”—Mimbòen mi apostel 8:36
Asu dzé ai akia afé wò yeane duben?
Éyong wò yi duben wò yi lere na o dzogèya énying o nga nying osusua ai na wò kèè ne wò nying akia ya Zamba a yi.
-
Wò yeane duben asu yi na o sié Yéhova.
-
Éyong wa duben wa lere é bot bevòk na o woéya oyili yi na wò sié Zamba.
-
Dzam deda ane Yésus, ba yeane wò du ai nyòl dzoé ése a mendim éteré.
2 YÉHOVA A SILI KI WÒ É MAM O SEKI DZAM BÒ
“Amu Éding Zamba ndzò dzi, na bi kala mebendé moé. Ndò fe mebendé moé me seki adit.”—1 Yohannes 5:3
Asu dzé wò yeane ki mbara na o ve wòmen abe Yéhova?
-
Ya sili ki na o tòbo ntut asu yi na o ve wòmen abe Yéhova. A yi wò vòli na o bò é dzom é ne susuo.
-
Éding dzaan asu Yéhova ya yi bia vòli na te bia bò é dzam a vini.
3 É MAM MA SILI ASU YI NA BI DUBEN
“Ma ding bò nyien woé a Zamba wòmò mvendé dzoé é ne a nnem wòm éteré.”—Salmen 40:8
Dzé wa yeane bò asu yi na o ve wòmen abe Yéhova?
-
YEGÈ KALARA ZAMBA
Dzengʼe na o yem Yéhova ban Yésus Kristu. Éyong wa yi bò tuène yem, éding dzoé asu daba ya yi nang.
-
WONOGO MBUNEN WOÉ
Bi nfang afiri a mengaaga me Zamba ai a ngul metunega me Yésus ma koré bia a nsem ai awu.
-
VENGʼEN
Singi abé ase o nga bò.
DUGEN
Nala a tilen na o tsendé mbe akol dulu doé ai na o bò é mam me ne susuo.
-
VAA WÒMEN ABE YÉHOVA
Wò ve Yéhova énying dzoé éyong wa kaa nyè a ngogelen na nnye étam wa yi lugu ai na nyien woé ngò wa yi nong étié osu énying dzoé.