Kogelen ai komezen mbeng. Kogelen ai Yéhova na a vòli wò na o tsog ayegele wò yi ve, seki ve wòmen. Dzeng na o tuene wog mengap ya nlo adzo wò yeane sangʼla. Belen ai bibug bié wòmen; a loro na o lang ve é dzom é ne ntilen a kalara.

Kòbega ai nnem woé ose. Tsogo amu dzé foé dzoé é ne nfi asu é bot ba vogolo wò. Baala nsongʼen té. Nge wò bò nala, étié dzoé, minfongʼen mi nyòl mié, ai é mi mi asu doé mia yi lere na o ne osesa ai na wò kòbò ai nnem woé ose.

Bebege é bot wò kòbò ai bò a mesu. Nge nala a bòben é vom o toa, bò o bebege é bot wò kòbò ai bò a mesu. Éyòng wò bò ékat mam, dzeng na o bebe mot mbombòk, a loro na wò bebe nkunda bot ose wa vogolo wò.