AYÈGÈ 6
Ngonegé nfi ya bifus bi Bibel
Yohannes 10:33-36
OBALBAS: Te wò bò ve zeze nlangʼen bifus, o kalena fe étié étié a nlo adzo o tsaa. Dzeng na é bot ba vogolo wò be yen nlarena a ne a zang éfus wò lang ai nlo adzo wò sangʼla.
AKIA O NE DÒ BÒ:
-
Ngonegé beyom bibug. Éyòng o man yi lang éfus zing, ngonegé bibug bi tii ai nlo adzo woé. O ne dò bò nge wò dugen bâla bibug bité. O ne fe sili é ba ba vogolo wò minsili asu yi na be yem bibug bia dang nfi.
-
Ngonegé ayegele wò yi na bot be baala. Nge o he lere amu dzé wò yeane lang éfus zing, a mvus nlangʼen woé timigi nlarena a ne a zang beyom bibug ya éfus ai amu té.
-
Bò na é mam wò timi me bò oveves ya wog. Te wò ngoné é ban mam be tii ki ai nlo adzo wò sangʼla. Mbol é ba ba vogolo ba yeane yem mam mezing, tòb abim mefoé wò yi timi asu yi na mbòen ai nwogʼen bi tòbò bò oveves.
