Kalara Nlo Ékoen
“Mi nga yeane bò beyegele.” (Heb. 5:12) Tam tsog na! Yéhova—Ényò ya a ne Mbembe Nyegele ya si ése—a banda bia na bi yegele é bot bevòk é mam ma bebe nyè! A yegele bot mam me bebege Yéhova—a nda bot, a akonda, ai ésié ékat foé—a ne dzam olugu a tò fe adit mbege. Akia afé bi ne dò tuene bò?
Éyalen ya nsili té é ne a bibug apostel Paul a nga til Timotéus: ‘Kele osu na wò bò akeng a nlangʼen a mengana bot, a nleben, ai a nyegelen.ʼ Paul a nga bag na: ‘Nge o bò nala, wò yi nyii wòmen ai é ba ba vogolo wò.ʼ (1 Tim. 4:13, 16) O bele na o kara é foé ya nyii bot. Dzom té ndzò é ne nfi na o ve mengul na o tuene yem lang ai a yegele. Nsò kalara wi wa yi wò vòli na o bò dò mbeng. Yene akia kalara té a ne ntilen.
Afep ase a bele éfus ya ngoné tin mvéndé ngeki é mvulna ya tòngʼlò ayegele
Yéhova a ne “Nyegele Beyegele.” (Yés. 30:20) Tò ane nsò kalara wi wa yi wò vòli na o yem lang ai na o yem fe yegele, te wò vuen na mbembe foé bi bege a sò abe Yéhova ai na Nnye a duru bot. (Yohannes 6:44) Asu té hm, kogelen ai nyè na a ve wò mfufub nsisim woé. Belen ai Ébug Zamba abog ase. Bò na duma a ke abe Yéhova, seki abe wò. Vaa mengul na o vòli é ba ba vogolo wò na be bi éding é ne édòk asu dié a minnem miaba.
O nga loében na o yegele é foé ya dang nfi, a ya beya ki veeben abe bot. Bi bele ndi na nge wò belen ai “é ngul Zamba a ve,” wò yi bugeben.—1 Pét. 4:11.
É ba ya ba sié fufulu ai wò asu ayegele,
Nlo Ékoen Beboala be Yéhova
