BITOA Bii ésemé asu é bot bevòk. Baala na, o ne nyié bitoa ve asu nda bot dzoé, é bot mi ne be bò mi he sò a metua mbòk, ngeki é ba mine be bò mi toa a nda dzia ai é bot wò yègè Bibel ai bò. Te wò beré biem a bitoa mina yi ki tòbò.

É BA BA YI NA BA VÒLI ÉSIÉ Nge wò yi na wò vòli ésié zing, nge a suk ntaan ya étogen, kele yen babedzang ya wòfis asu é ba ba yi na ba vòli ésié.

É BABEDZANG BA SUEN AI BOT É babedzang ba suen ai bot be ne hala asu yi na be vòli wò. Bò bò mewog o tong fe betebega ba yi wò ve be bebege akia ya wò yeane telé metua, é vom wò yeane nyii nge a kui, akia ya wò yeane belen ai bitoa, ngeki mam mefe.

É BIEM BI HE DZANG Nguma wòfis o ne asu é biem bi he dzang. Nge o he dzèè dzom kele a wòfis té. É mot ose a yen é mòngò a dzang, a yeane ke ai nyè a wòfis té. Ve asu yi na te nala a kui, bia dzaè bebondé na be baala bòn baba abog ase a mgbak dzaba.

MIMVEEN É moro étogen nyi é he sili abui bemòni asu yi na be kom bitoa bia yeane, biko mezik ai mam mese mevòk na étogen é lot suk ya abeng ai fe na é vòli bia na bi subu Yéhova babi. Mimveen wò bò ai nnem woé ose mia suk étogen dzi, mia vòli fe asu ésié ékat foé a si ése. Minkòb asu mimveen mi tele abui mevom abaa étogen mu. O ne fe bò mimveen ai zen ya internet, asu té kele a donate.pr418.com. Bi ne mintak asu mimveen miaan mise. Babedzang ya Tin ékoen ba ve ngang asu mbembe étié nnem ya tindi wò na o suk Édzoé Zamba.

NDUEN Bitoa bi ne osu étebe ékat mam bi ne asu é ba ba yi duben. É ba ba yi nòng nduen ba yeane tòbò été osusua ékat mam asu nduen kikirigi ya mmos séradé. Mot ose ya abe bò a yi sò ai tawola woé ai biyié bi ne dzin.

NVÒLEN ASU MINKOKÒN Baala na nvòlen té o ne asu okòn wa kui wò atemtem.

Zukulu asu bekat befoé ya Édzoé Bemkpaa mefan bele mimbu 23 akui 65 a ba yi na ba nené ésié ékat foé dzaba be ne sò tòbò ékoen asu é ba ya ba yi na ba ke a zukulu bekat befoé ya Édzoé a mmos sòndò a mvus tolop. Ba yi bò ve awola ai é vom ékoen té ya yi bòben.