AYÈGÈ 3
Nde énying ya Paradis é nga be ya?
Yéhova a nga ve Adam ban Éfa é biem bise bi nga be mbeng. Yénésis 1:28
Yéhova a nga kom é mininga osu, Éfa, a ve nyè Adam na a bò mininga woé.—Yénésis 2:21, 22.
Yéhova a nga kom bò ai mintsogen ai nyòl bi toa tegè ai nsem zing.
Étòbega dzaba é nga be afub ya Éden—vom té o nga be mbeng abui o bele asoé, bilé bibuma ai betsit.
Yéhova a kòbega ai bò; a nga kat bò na nge ba vogolo nyè, ba yi nying kòm ése a Paradis a si va.
Yénésis 2:16, 17
Zamba a nga dzo na te ba di ébuma ya élé dzia ya afub.Yéhova a nga lere Adam ban Éfa ébuma ya élé dzia ya afub, ndò a nga dzo ai bò na nge be di dzò, ba yi wu.
Éngeles mbòk a nga lumen ai Zamba. Mbe éngeles té a ne Satan Debelé.
Satan a mbe ki a yi na Adam ban Éfa be bò Yéhova mewog. Ndò a nga belen ai nyò na a kat Éfa na nge a di ébuma ya élé té, a yi ki wu, ve a yi bò ane Zamba. Veda, dzam té a mbe minnal.—Yénésis 3:1-5.