1. Éding Zamba ya langʼen kòm ése
1 ZAMBA A DING WÒ
“Baala wòmen a éding Zamba été . . . ntié wò yanga énying kòm.”—Yuda 21
Ndi nnem fé o bele na Zamba a ding wò?
-
Yohannes 3:16; 1 Yohannes 4:8-10; Akuli Mam 4:11
Yéhova a nga tié é dzom ése é ne a si asu yi na bi ding énying. Amvus yi na Adam ban Éfa be sem ya, nsongʼen Zamba asu si ai bot o ndziki tsendé. A nga ve mòn woé ane ntang asu yi na bòn bebot be bi énying kòm.
-
Salmen 65: 2; Mimbòen mi Apostel 5:32
Asu yi na a vòli bia a binying biaan, Yéhova a nga ve bia Bibel, mfufub nsisim woé, ai ngogelen. Éyòng bia kogelen ai nyè, a vogolo bia.
2 A BÒ MEMVÉNDÉ ME YÉHOVA MEWOG A NE NFI ASU DAAN
“Ma, Yéhova, me ne Zamba woé, ényò ya a yegele wò asu nfi woé.”—Yésaya 48:17
Bemaa befé bi ne bi nge bia bò Yéhova mewog?
-
Yéhova a yen mengul mese bia ve asu yi na bi bò nyè mewog. Fulu mewog ya yi bi baala étoa dzi, ya yi fe bò na bi bi mbembe énying melu ma zu.
3 O NE LERE YÉHOVA NA WÒ DING NYÈ
“Éding Zamba ndzò dzi, na bi bi baala memvéndé moé.”—1 Yohannes 5:3
Ye bi ne fò dzam bò Zamba mewog?
-
Deuterònòm 30:11; Salmen 103:14
Yéhova a yem na bi ne besem minsem. A sili ki bia na bi bò é dzom ya lot bia nkong.
-
Éding dzaan asu Yéhova é ne bia ve ngul ya bò nyè mewog tò abog mindzug.
-
Tin memvéndé ya Bibel ya yegele bia ntsogen Zamba. Tin memvéndé té é ne komoro ntsogen waan é yemede fe éding dzaan asu Yéhova. Ya lere bia dzé bi ne dzam bò tò éyòng Bibel a kat ki bia mam a sang sang.
