“Be ntoa nson mbòk.”​—Yénésis 2:24

Mimbòen ai minkòbò mifé bi ne saala a mi ne dzam bò na é mot mbòk a wog mintié?

• Matéus 5:28; Éfési 4:31

  Baala élat dzoé ai é mot o nga lug tò a mintsogen mié. Karege tsog dzé ndzò ényò mbòk a ne dzam woren a nnem. Nge o yen na o bò é mot o nga lug mintié, vaa ngul ya tsendé mimbòen mié.

• Galati 5:15

  Bia yi ki na bi bò na é mot mbòk a wog mintié a nyòl nge a nnem. Bebé bibug bia ndamen nda alug.

• Minkana 5:18; Hébréa 13:4

  Yéhova a yen ngòbinda ane ngul nsem. Bia yeane nòng ntsigen ya baala élat dzaan ai é mot bi nga lug éyòng té alug daan da yeane bò dia a mis maan. Bia yi ki na bi biandi Yéhova ngeki é mot bi nga lug.

“Nda ya longben ai feg.”​—Minkana 24:3

Dzé o ne bò asu yi na nda alug dzoé é tòbò ngul ai a mintak?

• Minkana 24:4; Matéus 6:14, 15; Romani 12:2; 1 Pétrus 3:1

  Nòngʼni abog ya kare lèè. Lerege nyò nnom ngeki nyò ngal na wò ding nyè, vaa nyè olugu, o mvamen fe ai nyè. Mi bò fe avol ya dzu.

• Minkana 14:1; 31:29; Filippi 1:9; 2:4; 1 Pétrus 3:7

  Dzaage Yéhova na a vòli wò na o bò mbembe nnom ngeki mbembe ngal. Dzeng mezen na o bò osesa, o mvamen fe ai é mot mina ai nyè mi ne nlugen.

• Romani 12:10; 1 Pétrus 4:8

  Nge wò bò é dzom ése ya sili asu yi na wò lere nyò nnom ngeki nyò ngal na wò ding nyè ai na wò ve nyè olugu a yeane ai nyè, alug doé da yi tòbò ngul ai wò yi ve Yéhova nnem mintak.