13. Ye mebok mese me ne mbeng a mis me Zamba?
1 YÉHOVA A YEANE AI OLUGU A MAM MESE BIA BÒ
“Tò mina di nge a nyu nge dzam ase mina bò, bòen mam mese asu olugu Zamba.” —1 Kòrinti 10:31
Akia afé bi ne dzam nòng mimbembe mintsigen mi bebege mebok?
-
Minkana 15:15; Ékklésiast 3:12, 13; Mimbòen mi Apostel 20:35; 2 Kòrinti 9:7
Yéhova a yi na bi nying a mintak. A yi fe na bi bi fulu akab ai osesa abog ase, seki ve biyòng bizing.
-
Eksodus 32:1-6; Akuli Mam 12:9
É ne ayié na bi yem dzé ya bia yeane bò abog ase. Satan a dzeng na a dug bia éyòng a bamen abé ai mbeng.
-
Dzeng na o yem é vom mebok mezing ma tié asu yi na o yem nge ma ve Yéhova mintak a nnem.
2 ABUI MEBOK YA MELU MA ME TII AI ÉVUS NYEBE
ʼMia yi yem bebela, ndò fe bebela a yi mina bò fili.ʼ—Yohannes 8:32
Mebok mezing ma sò vé?
-
2 Kòrinti 6:14-18; 2 Yohannes 6, 7
Amvus awu bapostel, bivovol beyegele be nga nyili metum ya meyòng biku akonda été ai be nga bamen mò ai mebok bekristen. Abui mebok ya été ma dzemben akui étoa dzi, ane Paska ai abok étsog bewu.
-
Abui mevom ya si, abok abiali Yésus ngeki krismet a dzemben a ngòn awom ai bèè étoa melu 25. Ve seki amos té ngò Yésus a nga biali.
-
Yénésis 40:20-22; Markus 6:21-29
Bekristen ya osusua be mbeki be dzeme mebok me abiali. Bibel a lere mebok me abiali mebè a me ndziki dzemben mbeng.
3 NÒNG MIMBEMBE MINTSIGEN MI BEBEGE MEBOK
ʼMi tuene fas é dzam ase a ne mbeng abe Nti.ʼ —Éfési 5:10
Mebok mefé bekristen ba yeane saala? Éyòng wò nòng ntsigen o bebege abok zing, siligi wòmen na:
-
Yésaya 52:11; 1 Kòrinti 4:6; 2 Kòrinti 6:14-18; Akuli Mam 18:4
Ye abok té a tii ai évus nyebe, ngeki ai bebé minsisim?
-
Yérémia 17:5-7; Mimbòen mi Apostel 10:25, 26; 1 Yohannes 5:21
Ye abok té da ve mot, nge ékoen zing, ngeki metum mezing ya nnam olugu?
-
Mimbòen mi Apostel 10:34, 35; 17:26
Ye abok té da béré ayòng zing ngeki nnam zing aloro édzi vòk?
-
Salmen 97:10; 1 Kòrinti 2:12; Éfési 2:2; 1 Pétrus 4:3
Ye abok té a tii ai “nsisim émò,” ngò wò tindi bot na be sòak meyòk ai na be bò mvit mam?
-
Nge ma dzemé abok di, ye nala a ne dzam bò é bot bevòk ékòl obak?
-
Romani 12:1, 2; Kolosi 4:6; 1 Pétrus 3:15
Nge ma tsig na ma nòng ki ngab a mebok meté, bamu befé me ne ve asu yi na me tuene timi é bot bevòk étié dzama?
