15. Yen mintak a ésié dzoé
1 YÉHOVA A NGA KOM BOT AI NNYIEN YI NA BE SIÉ
“Mot ose a yeane di ai a nyu ai a yen mintak a ésié dzié ése. É ne mveen Zamba.”—Ékklésiast 3:13
Amu dzé ésié é ne mveen wa sò bia abe Zamba?
-
Yénésis 1:1, 31; Ékklésiast 2:24; Yohannes 5:17
Yéhova a sié abui. A yen mintak a ésié dzié, a yi na bia, bi bi fe mintak a ésié dzaan.
-
Minkana 8:22-31; Kolosi 1:15-17
Yésus émen a sié abui. A nga sié éyòng a nga be a yob tò éyòng a nga sò a si mu.
-
Markus 6:3; Lukas 21:37, 38; Yohannes 4:31-38; 17:4
Yésus a nga bò sug ya mbembe ésié nde fe a nga mana dzò a fiangʼen bò mindzug.
2 BI NE BÒ ÉSIÉ DZAAN AI MBEMBE NNYIEN
“Ye o yeneya mot a ne akeng a ésié dzié? A yi tebe a osu minkukuma.”—Minkana 22:29
Dzé é ne bi vòli na bi yen mintak a ésié dzaan?
-
Minkana 12:24; Kolosi 3:22-24; Hébréa 13:18
Tò bi seki dzam tsendé ésié bia bò, bi ne dzeng na bi bò dzò ai mbembe nnyien. Bia yeane fe dzeng na bi bò besusuo bebot ai na bisié ngul.
-
Minkana 27:11; 1 Timotéus 5:8; 1 Pétrus 2:12
Éyòng wò nòng ndzug ai nda bot dzoé, wò lere na wò bò Zamba mewog. Nde fe éyòng o bele mbembe fulu a nda bisié dzoé, nala wa ve Yéhova olugu.
-
Eksodus 20:13-15; Minkana 2:6; Romani 14:19-22; Éfési 5:28–6:4; 1 Yohannes 5:3; Akuli Mam 18:4
Bibel a vòli bia na bi yem na bisié bizing bi ne namba énying nda bot dzaan, babedzang ai bekal baan ya akonda, a dang dang Yéhova.
3 NGE BIA FIAL É MAM MA DANG NFI NALA A YI BI VÒLI NA BI YEN MINTAK A BISIÉ BIAAN
“Fialigi é mam ma dang nfi.”—Filippi 1:10
Dzé ya yeane bò nfi asu daan?
-
Salmen 37:25; Minkana 3:5, 6; 1 Pétrus 5:7
Bii afiri na Yéhova a yem meyangʼen moé ya amos ose.
-
Matéus 6:25-32; 1 Timotéus 6:8-10; Hébréa 13:5
Yègè na wò yen mintak ai abim biem o bele.
-
Minkana 10:22; Matéus 6:33; 28:19, 20; Hébréa 10:24, 25
Bii, o baala fe nsongʼen na wò sié Yéhova ai na wò yeren mbembe foé. A bisié bise bi ne dzam bò, ékat foé ndzò ya dang nfi abui.
