“Dzòregen minabeben abe Zamba; veda lumeni ai Debelé, ai a yi tub oyab ai mina.”​—Yakòbus 4:7

Bia yem ai dzé na bi ne lumen ai Debelé?

• Akuli Mam 7:9, 14

  Yéhova a nga telé Debelé minnyié asu yi na te a bò bia é dzom ése a yi. Zamba a nga ve ngaaga na moro nkunda bot a yi kui énying ya mkpamen émò.

• 2 Kronika 15:2

  Éyòng bi ne baaba ai Yéhova abog ase, Satan a seki dzam ndamen élat té.

• 1 Kòrinti 10:13; Hébréa 11:4-40

  Yéhova a nga kaa na a yi wò vòli na o baala élat dzoé ai nyè, ane a nga vòli abui bot ya osusua.

“Bia dimi ki mefeg moé.”​—2 Kòrinti 2:11

Akia mefeg mefé Satan a kare bui?

• Yohannes 15:19; Akuli Mam 12:12, 17

  Debelé a dzoé émò, veda a dzoé ki bot ya ayòng Zamba, dzom té ndzò a dang lumen ai bò.

• Yénésis 3:1; Galati 5:19-21; Éfési 6:12

  Debelé a dzeng na a yem é vom mengul maan me ne abòt. A belen fe ai mò asu yi na a lumen ai bia.

• Lévitikus 19:26; Yésaya 1:13, 15; Markus 5:25, 26

  Bò okala éyòng wò dzeng mebala me ne wò ve mvòè a minson. Éyòng mot a dzèèya afiri ya bò mvòè, da kare kui na a dzeng na a siében ai zen ya ngul bebé minsisim.

• Deuterònòm 18:10-12; Mimbòen mi Apostel 19:19; Galati 6:7; Akuli Mam 21:8

  Nge bebé minsisim ba yen na bia yi na bia yem é mam ma bebe bò, be ne belen ai fulu dzaan té asu yi na be fit bia. Nge bia namba é mam ma bebe bebé minsisim ngeki a nòng ngab été, bia lere na bia ding ki Yéhova.

“Debelé . . . a ne mot minnal, a tò fe ésia minnal.”​—Yohannes 8:44

Akia afé bi ne bò obegele minnal mi Debelé?

• Romani 1:11, 12; 2 Timotéus 2:16

  Bot ba kare lèè minlang mia bò na bi tsog na ngul Satan ai bebé minsisim é bele ki nnyié. Dzam zing a seki nala. Bia yeane ki bò obegele minlang mia bò na bot be kòn wòng. É ne nfi na bi bi nsongʼen na bi wono é bot bevòk.

• Éfési 6:11

  Éyòng bia yem mekeng me Debelé, bi ne lumen ai nyè bi baala fe élat dzaan ai Yéhova.