“Nkeleni osu na bia bò biwolo.”​—Hébréa 6:1

A bò éwolo kristen a tilen dzé?

• Romani 8:5; Hébréa 5:14

  Bia yeane nòng abui abog bi ve fe mengul asu yi na bia bò biwolo bekristen. Éwolo kristen ya dzeng na é yen mam ane Yéhova. Ya yi fe na é nòng mintsigen mi ne feg.

• Minkana 27:11; Yakòbus 1:2, 3

  Wò yeane dang mindzug nge wò yi na wò wono mbunen woé ai a lere éding dzoé asu Yéhova.

• Minkana 3:5, 6; Yakòbus 1:5

  Éyòng wò yi na wò nòng ntsigen, nòng abog na o fas asu yi na o yem ntsogen Yéhova. Kogelen fe ai nyè asu yi na a vòli wò.

• 2 Kòrinti 13:5

  Te wò telé amos zing na wò nené nyemen woé o bebege Yéhova ai a wono élat dzoé ai nyè.

“Bi bòt . . . ékongo dzaan é toa afiri akoré.” ​—1 Tésaloni 5:8

Akia afé afiri a ne bi kala?

• Hébréa 12:2

  Afiri doé asu melu ma zu a bele abui ngul. Tsogo ane afiri Yésus a mbe bele a nga vòli nyè na a dzibi bitibili.

• Filippi 4:6, 7

  Nge wò woren na ndi dzoé é seki fe ngul, kogelen abui asu dzam té. Bebé mintsogen ai bisoo bi ne wò suu ngul a si. Dzam da, Yéhova a yi wò ve azombo ai mvòè ya nnem.

• Malakias 3:10; Romani 8:21

  Bii fulu ya bindi é mam me tii ai afiri doé asu melu ma zu. Mkpamen émò wa yi bò mbeng aloro é mam mese o ne tsog a nlo woé.

• Salmen 37:4; Yuda 21

  Yéhova a yi na o yem nyè mbeng mbeng ane ba yem mfang mvoé. Vaa mengul moé mese asu yi na o bò nyè mewog, ai na élat dzoé ai nyè é won ngul amos ane amos.