17. Langʼen a éding Zamba
1 KELE OSU NA WÒ WONO MBUNEN WOÉ
“Longʼen minabeben a moro mfufub mbunen wân.”—Yuda 20
Dzé é ne bi vòli na bi long mbunen waan?
-
Éfési 6:11; Yakòbus 1:25; 1 Pétrus 5:8
Éyòng bia tsog na bia yeane bò Yéhova mewog, nala wa baala bia, a vòligi fe bia na bi nying a mvòè.
-
Matéus 28:19, 20; 1 Tésaloni 5:17; Hébréa 10:24, 25
Nge bia yi na mbunen waan o bò ngul, bia yeane kogelen abog ase, bia yeane fe kat é bot bevòk é mam ma bebe Yéhova. É ne fe nfi na bi tòbò a bikoen fufulu ai babedzang ai bekal baan.
-
Salmen 55:22; Yésaya 48:17, 18
Yéhova a yi ki bi dzogè amos zing. Nge wò baala betebega be Yéhova, wò yi nying a mvòè.
2 BIA YI NA BI BÒ BIWOLO BEKRISTEN
“Nkeleni osu na bia bò biwolo.”—Hébréa 6:1
A bò éwolo kristen a tilen dzé?
-
Bia yeane nòng abui abog bi ve fe mengul asu yi na bia bò biwolo bekristen. Éwolo kristen ya dzeng na é yen mam ane Yéhova. Ya yi fe na é nòng mintsigen mi ne feg.
-
Wò yeane dang mindzug nge wò yi na wò wono mbunen woé ai a lere éding dzoé asu Yéhova.
-
Éyòng wò yi na wò nòng ntsigen, nòng abog na o fas asu yi na o yem ntsogen Yéhova. Kogelen fe ai nyè asu yi na a vòli wò.
-
Te wò telé amos zing na wò nené nyemen woé o bebege Yéhova ai a wono élat dzoé ai nyè.
3 BAALA NDI DZOÉ ABOG ASE
“Bi bòt . . . ékongo dzaan é toa afiri akoré.” —1 Tésaloni 5:8
Akia afé afiri a ne bi kala?
-
Afiri doé asu melu ma zu a bele abui ngul. Tsogo ane afiri Yésus a mbe bele a nga vòli nyè na a dzibi bitibili.
-
Nge wò woren na ndi dzoé é seki fe ngul, kogelen abui asu dzam té. Bebé mintsogen ai bisoo bi ne wò suu ngul a si. Dzam da, Yéhova a yi wò ve azombo ai mvòè ya nnem.
-
Bii fulu ya bindi é mam me tii ai afiri doé asu melu ma zu. Mkpamen émò wa yi bò mbeng aloro é mam mese o ne tsog a nlo woé.
-
Yéhova a yi na o yem nyè mbeng mbeng ane ba yem mfang mvoé. Vaa mengul moé mese asu yi na o bò nyè mewog, ai na élat dzoé ai nyè é won ngul amos ane amos.