“Nnem o ne medugen a dang biem bise wa dang bòleben.”​—Yérémia 17:9

Dzé Yéhova a nga ve bia a ya vòli bia na bi yegele man mot ya nnem waan?

• Romani 9:1; 1 Kòrinti 4:4

  Mbol bi ne besem minsem tò man mot ya nnem waan a ne dzam bò bivus. Bia yeane nyè tebele ai zen ya mfufub nsisim, seki ane bia woren.

• Hébréa 5:14; 1 Pétrus 3:16

  A Bibel, bia yègè nnyien Yéhova, wa vòli bia na bi yem kanden susuo ai nkòt asu yi na bi yem tebele man mot waan ya nnem.

“Mot a be dzeng ve mbeng woé émen, ve mbeng ya abe é mot mbòk.”​—1 Kòrinti 10:23, 24

Akia afé bi ne lere na bia semé mam mot ya nnem é bot bevòk?

• Romani 15:1, 3

  Man mot ya nnem bot bese a nòng ki mintsigen akia deda. Man mot ya nnem woé a ne wò tindi na o bò é dzom ya ényò é mot mbòk a yebe ki.

• 1 Kòrinti 10:31-33

  Apostel Paul a nga be a sangʼen abui asu babenyang boé aloro asu dié émen. Minnyien miaba mi nga be nfi abui asu dié aloro émié.

• Romani 14:10, 19

  Yéhova a nga ve bia man mot ya nnem asu yi na bi tsig biabeben ntol, seki é bot bevòk. Bia yeane bò abui okala mfaa ya tsog na, bi nde bi ne susuo ai na é bot bevòk be ne nkòt.

“Bi suu minnem miaan a si asu dié . . . amu Zamba a ne anen aloro minnem miaan, nnye a yem mam mese.”​—1 Yohannes 3:19, 20

Amu dzé bia yeane ki teg nge bia ke osu na bia woren mintié a nnem asu bivus ya bi nga bò a melu mvus?

• Salmen 86:5; 1 Kòrinti 6:11

  Nnem mot o ne dzam ke osu a ve nyè bidzo tò éyòng ya Yéhova a dzuya nyè. A nga yen émen ane zeze dzom. Bi bele ki ngul ya tsendé é mam me loreya. Veda, éyòng Yéhova a dzuya bia, a vuen minsem miaan. Bi ntò hm dzam bò mfuben a mis moé.

• Galati 6:2; 1 Pétrus 2:16

  “Mvéndé Kristu” é tii a tin memvéndé ya Bibel seki a memvéndé. Tò éyòng mvéndé é seki asu dzam zing, kristen ya yeane dzeng akia afé a ne saala mbòen abé.