8. Yéhova a yi na ayòng dié a tòbò mfuben
1 YÉHOVA A NE MFUFUB A MEZEN MESE
“Mina yeane bò mimfufub amu me ne mfufub.” —Lévitikus 11:45
Dzé ya tilen na a bò mfufub?
-
A bò mfufub ngeki na mfuben wa bebe man dzam ase ya énying dzaan. Nala a tilen na, mfuben a nyòl, mfuben a biyié ai a nda. Nala fe na ékang dzaan, akol dulu ai mintsogen miaan mia yeane bò mfuben.
-
Eksodus 30:17-21; Yérémia 10:12
Mfuben o ne mbeng a mis me Yéhova.
Mintsogen miaan mia yené a mimbòen, asu té bia yeane ve mengul asu yi na bi baala mintsogen miaan.
2 ÉKANG DZAAN YA YEANE BÒ MFUFUB ÉKANG
“Baalen minabeben mfuben, mina ya mi bege biem bisié bi Yéhova.”—Yésaya 52:11
-
Akia afé bi ne baala Ékang dzaan mfuben?
-
Bia saala mimbòen ai metum me tii ai évus nyebe.
Yéhova a kareya sò a baala ayòng dié, a vaa bò memvéndé ai betebega.
3 BEBÉ MEFULU BA TSAM ÉLAT DZAAN AI YÉHOVA
“Bia yeane fubu biabeben a éboé ése ya nyòl ai nsisim.”—2 Kòrinti 7:1
-
Mefulu mefé Yéhova a yi na bi saala?
-
Saala é mam ma bòli nyòl ai énying, ane nnyuen taa, siga ngeki banga ai nnemena nnyuen meyòk. Bia saala mefulu meté amu bia semé énying dzaan, binying bi é bot bevòk, ai memvéndé ya nnam bi toa.
Nge bia lumen ai mbe fulu zing, te bia ku sòm. Ai mvòlen Yéhova, bia yi dzò dang.
4 BI NE TELÉ BEBÉ MEFULU
“Ve ma tuk nyòl dzam ne me bò dzò olò.” —1 Kòrinti 9:27
-
Dzé é ne bi vòli na bi telé mbe fulu?
-
Kogelen ai Yéhova na mfufub nsisim woé o vòli wò na o lumen ai bebé minnyien.
-
Saala é bot, nge befilm, ngeki mezik ma bò na o vòt lumen ai bebé mefulu.
Komezen na wò yi kat é bot bevòk amu dzé wò bò ki dzom si ngeki dzom ka, ane, nnyuen taa.
