A lôr 60% a bôr be ya minsama bekonghle ba sèñ mos ôse, se be Béthels, ve menda ba konghle bekalare (ADT). Efa é vé nkômane té ô ne éban ? Naa ésèñ é yem tugha wulu ADT, bekonghle be ne ashèñ ye dzé ? Amu dzé é vôm bekonghle ba top naa ba ye bo ésèñ éne likh naa be kulu mbemba ésèñ ?

 ADT a sili naa bekonghle be ke ning é vôm abuiñ bôr ba kobe nkobe ba zu konghlane. Karin, é kal zaa a konghle bas Allemand, a kiène naa : « Nté ane bi kôr ADT ya Cuauhtémoc, abeng ya Chihuahua é si Mexique, bia kobe éyong ése bas Allemand : ya bekonghle bevoo, minkanghle, ya éyong bia ke sôm bîom. Bi too ye é bôr ba kobe nkobe té. Bia bera wokh minnôm bifiè bi kane ya wokh antoo ayap éyong, dzam té da ve naa bi tông aval nkobe wa vem. »

 James, moadzang a sèñ ye nsama bekonghle ba konghle frafra, e si Ghana, a yen naa bobedzang ya bekal bèè be ya Béthel ba makh nye biyong bizing. Ve, a dzô naa : « Ma nyeghe ma séñ ADT. Esèñ té da name me nlem amu éyong ma kanghle bôr mbemba fuèñ nkobe ba wokh, ba bele mevakh. »

 Aval avé bobedzang ba top é vôm ADT a yiane tebe ? Joseph, môr mboo ya service mondial de développement construction à Warwick ( ya é bôr ba tiè mam bisèñ melong a Warwick) abeng ya New York, e si America), a dzô naa : « Minzukh minnen bia tôbane myo, mi ne naa memvom mézing, ba bira kikh bilam ya medzim, nge se nale, Internet kaa tugha wulu naa bi yem ñong bisèñ bia yiane konghle. Ede da bo naa, éyong bia top é vôm ADT a yiane tebe, bia tare ke bia dzeng abuiñ memvom mefe ba kobe nkobe té. »

 be abuiñ bôr, é dzam bia yen ébubu, avoo ye nku mbeng é ne naa ADT a tebe e nda ékôan, e nda bia bo bisesang binnen nge ki menda bemissionnaire bekonghle be ne ke ébubu. Nge dzam ézing y’ été é se, Bobedzang be ne sili nge be ne sôm menda me ne bo bitabga ye bebureau akal bekonghle, amu be ne kuane menda meté ébubu ve belane mono té akal é mam memvoo.

 Mbu ésèñ ya 2020, bi nga dzimle bébèñ 11 millions d’euros naa be ADT be wulu. Minsama mi bôr mia sèñ ADT mi ne ashèñ ye bordinateur, belogiciel, bîom akal benregistrement, Internet ye é mam mevoo mefe. Efônan, ordinateur antoo nkôghane akal ésèñ a ke abong ézing 600 euros. Bordinateur be bele belogiciel commerciaux ye Watchtower Translation System, nkômane ôté wa vole bekonghle naa be yem kom bisèñ ye bo mindzeng.

 Bekonghle be nga ñong fe ayôm minfekh mi bele é mam ba belane me akal enregistrement ndamben be ne bo enregistrement é vôm ba sèñ. Ayôm minfekh mité mi nga bo éban éyong COVID 19 a nga sum. Bekonghle be mbe e kee myo menda meba naa be bo bisèñ bité e wèñ.

 Bemem be too é vôm ADT a tele be nga ve mimvolane mieba naa be lang mebakh bekonghle be va kulu, ba baghle fe menda me ya ADT. Moadzang Cistin a sèñ ADT nkobe afrikaans e Cap, si ye Afrique du Sud a dzô naa : « Abuiñ bekare fuèñ ye bepwaa mefan be nga ve mimvolane mieba. »

 Bemem beté ba nyeghe ba ke wèñ. Ebe kal zaa ézing, a bo ésèñ ADT, ane « ane wa vebe mbemba nfuang ». Bobedzang ye bekal bèè bézing be too é vôm ADT ane ba ve meking meba akal enregistrement audio. Juana, kal zaa a sèñ ADT nkobe totonaque, abeng Veracruz, e si Mexique, a dzô naa : « Abong bekisoan ba kobe nkobe wèè be ntoo bébèñ, ntoo ébubu naa bi belane bobedzang ye bekal bèè akal b’ enregistrement mebak ye bevidéo ».

 Ve ye be ADT be nga ve naa ésèñ nkonghlane é bo ébubu ? Bemillion belang ba simane naa owé. Cédric a sèñ nsama bekonghle nkobe kongo, nkobe mboo ya minkobe ba kobe e si République démocratique ya Congo. A kiène naa : « Bobedzang ye bekal bèè bézing be nga bo bè luè aval bia too bi konghle kongo naa : « kongo yaa mebak », amu é nga selane ye aval bôr be nga kokobe nkobe té. Ve abong di, be nga dzôa naa mebak mèè me ne nkonghlane nkobe kongo bôr ba kobe môs ôse.

 Andile, a sèñ nsama bekonghle nkobe xhosa, a nga yen fe aval daa Afrique du Sud. a dzô naa : « Abuiñ bôr ba dzô bi naa aval bi nga kokonghle é tsene-yang. E bong be nga lelang mvus ô momo nkobe nges, be nga laang nye nkobe xhosa. Ba nyeghe ba lang nféfèñ Traduction du monde nouveau amu a ne ébubu. »

 E mono ase bi nga dzimle éyong bi nga tele menda m’ADT ye aval bia baghle me, kaa vuane nsama bemem ba bo bisèñ été, a nga soo bivevée bobedzang ye bekal bèè ba lôm oeuvre mondiale, é bi bia bobane e donate.pr418.com.